Aziz Qırım sakinleri!

Bu künlerde bütün dünya ögünde büyük çağıruvlar turmaqta. Dünyada darqalayatqan virus öz qurbanlarını vatandaşlıqları, terileriniñ renkleri, cınısları ya da yaşları boyunca ayırmay. Pandemiyanıñ neticelerini endi özümiz de is etemiz. Amma Ukraina içün bu pek büyük çağıruv ve imtian, çünki bunıñ episi cenk, topraqlarımıznıñ qısmen işğal etilüvi ve neticede ukrain sağlıq saqlav tertibatınıñ işğal etilgen topraqlarda yaşağan vatandaşlarğa yardım etmek imkânsızlığı şaraitlerinde yüz bermektedir.

Qırım Muhtar Cumhuriyetini ve Aqyar şeerini işğal etken Rusiye Federatsiyası yarımadanı öz qanuniyetine ve sağlıq saqlav tertibatına boysundırdı. Bu al Qırımda tıp hızmetleriniñ keyfiyetine ve işbu hızmetlerge irişimge ekseriy allarda menfiy tesir etti. İşğalci akimiyet muntazam şekilde yarımadada insaniy vaziyet aqqında malümatnı gizley, Qırımğa mustaqil gumanitar ve aq-qorçalav missiyalarnıñ kelmelerine imkân bermey ve neticede halqara cemiyetni işğal etilgen Qırımdaki kerçek vaziyet ve COVİD-19 virusınıñ darqalmamasına qarşılıq kösterüv olaraq yapılğan tedbirler aqqında haberdar etmez. Onıñ içün Qırım sakinleri öz sağlıqları ve ömürleri içün mesüliyetini boyunlarına alıp, özlerini ve yaqınlarını qorçamalılar.

(devamını oqumaq içün, başlıqqa basıñız)

İşğalci akimiyetniñ haber etkenine köre, Qırımda 130 ziyade şahıs (COVİD-19) itimal koronavirus hastalığına oğrağanları sebebinden nezaret altında bulunmaqtalar. Amma o, yarımadada yaşağan grajdan ealini pandemiya neticelerinden qorçalamaq içün  vacip olğan karantin tedbirlerni başlamağa aşıqmay.

Aziz Qırım sakinleri! Sizni temizlik ve dezinfektsiya qaidelerine riayet etmege, çaresi olsa, işiñizni uzaqtan yapmağa ve evleriñizde qalmağa çağıramız.  Qalabalıq olğan yerlerni ziaret etmekten ve seyahatlardan vazgeçiñiz. Bundan ğayrı, hastalana bilecek qart insanlarnıñ ve balalarnıñ havfsızlıqta olmalarına diqqat etiñiz. Sizde sıcaq, quru öksürük, nefes aluvda qıyınlıq kibi hastalıq alâmetleri peyda olsa, başqa insanlardan çetleşiñiz ve ekimni çağırıñız.

2019-NCOV koronavirus infektsiyası aqqında tafsilâtlı malümat mındadır: https://cutt.ly/Ytl8FDB

Telâşlanmamañıznı rica etemiz, ukrain akimiyet organları vırusnıñ darqatlımasına qarşılıq kösterüv, vatandaşlarğa yardım ve hastalıq aqibetlerini aşuv içün qollarından kelgenini yapmaqtalar. Hatırlatmaq isteymiz ki, Qırım ile KÇNN faaliyeti vaqtınca (çiçek ayı 3 kününe qadar) toqtatıldı, amma insaniy ihtiyacları olğan ya da qıyın vaziyette bulunğan (meselâ asılında yaşağan yeri qayd etilgen yer ile bir olmağan, ya da horantasından ayrılğan) er bir vatandaşımız istegen vaqıtta KÇÇN-dan keçe bile. Böyle allarda vatandaşlar mütenasip vesiqalar ile KÇNN-na kelmeli. Tekrarlaymız, bular qorçalanmañız içün kerek olğan mecburiy ve vaqtınca tedbirlerdir.

Er biriñizniñ sağlığını tüşünip, özüñizge ve yaqınlarıñızğa muqayt olmañıznı rica etemiz. Mecburiy tecrit devamında yaqınlarıñız ile daa ziyade vaqıt keçire, çoqtan berli baqalmağan fimlerni seyir ete bilirsiñiz, ya da bir qaç yañı kitap oqup olursıñız. prometheus.org.ua. İnternet saifesi kibi çeşit türlü menbalarda aveskârlar içün mevcüt olğan tasil imkânları aqqında da unutmañız. Asılında, Prometheus COVID-19 ne olğanını añlamağa yardım etken ”Koronavirus infektsiyası: telâşqa qarşı faktlar” serlevalı kurs azırladı.

Özüñizge ve yaqınlarıñızğa muqayt oluñız!

Er şey   olacaqtır!