Vesiqalar

Bir yıl vazifede. Ukraina Prezidentiniñ Qırım MC-deki Temsilciligi alıp barğan faaliyetniñ neticeleri

Bıltır, yani 2019 senesi ilk yaz (iyün) ayı 25 künü Ukraina Prezidentiniñ 454/2019 sanlı emiri ile Anton Korınevıç Ukraina Prezidentiniñ Qırım Muhtar Cumhuriyetindeki Daimiy Temsilcisi vazifesine tayın etildi.

Bu bir sene devamında Ukraina Prezidenti Volodımır Zelenskıy Temsilcilik ögüne qoyğan vazifelerni yerine ketirmek maqsadınen bayağı iş yapıldı: Temsilcilik aqqında Fermanğa deñişmeler kirsetilip, ihtisaslı taqım quvetleştirildi, Kıyiv şeerinde ofis teşkil etildi, Hersondaki ofis ise kenişledi, böyleliknen Qırım mevzusı boyunca idareler arası işbirlik ileriledi, vaqtınca işğal etilgen Qırımdan Temsilcilik hadimlerine muracaat etken er bir vatandaş yardım ala bilmektedir. “Bir yıl vazifede. Ukraina Prezidentiniñ Qırım MC-deki Temsilciligi alıp barğan faaliyetniñ neticeleri”

Ukraina Prezidentiniñ Fermanı ile Ukraina Prezidentiniñ Qırım Muhtar Cumhuriyetindeki Temsilciliginiñ imkânları ve qabiliyetleri kenişletildi

Hususan, Ukraina Prezidentiniñ Temsilcilik aqqında yañı Fermanında:

  1. Temsilcilik keçici adliye (transitional justice) qavrayışı boyunca tekliflerini azırlaycağı belgilendi. Bu aqta açıq-aydın bildirgen birinci normativ-uquqiy senettir.
  2. Hususan icra akimiyetniñ merkeziy organları ile munasebetler saasında Temsilcilikniñ vekâletleri quvetleştirildi.
  3. Temsilcilikniñ Kyıv şeerindeki ofisini quvetleştiremiz, aynı vaqıtta Herson şeerindeki ofis çalışmağa ve öz muim vazifelerini becermege devam etecektir.

”Ukraina Prezidentiniñ Qırım Muhtar Cumhuriyetindeki Temsilciligi meselesi” boyunca UKRAİNA PREZİDENTİNIÑ №758/2019 FERMANI

Volodımır Zelenskiy Anton Korınevıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi olaraq tayın etti

A.Korınevıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi olaraq tayın etüv aqqında

UKRAİNA PREZİDENTİNİÑ №454/2019 QARARI

KORINEVIÇ Anton Oleksandrovıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi vazifesine tayın etmek.

Ukraina Prezidenti V.ZELENSKİY

2019 senesi ilk yaz (iyün) ayı 25 künü

Menba: https://www.president.gov.ua/documents/4542019-27761

Arbitraj tribunalınıñ diñlevlerinde Ukraina eyetiniñ iştiragi aqqında

Ukraina Prezidenti Volodımır Zelenskiy 2019 senesi ilk yaz (iyün) ayı 10-14 künleri Felemenk Qırallığınıñ Gaaga şeerinde deñiz uquqı boyunca 1982 senesi BMT konventsiyasına yapılğan VII ilâve boyunca teşkil etilgen arbitraj tribunalı diñlevlerinde iştirak etecek Ukraina eyetiniñ terkibini tasdıqladı. Diñlevlerde Qara ve Azaq deñizlerinde ve Keriç boğazında yalı boyu devleti aqqına dair Ukraina ile Rusiye Federatsiyası arasındaki dava baqılacaqtır.

https://www.president.gov.ua/documents/3392019-27269