VAQTINCA İŞĞAL ETİLGEN QIRIM MUHTAR CUMHURİYETİNDE YAŞAĞAN VATANDAŞLARNIÑ DİQQATINA 2019 SENESİ TIŞQI MUSTAQIL BAALAVNIÑ QOŞMA SESSİYASI BOYUNCA TAQVİM

Tışqı baalavnıñ qoşma sessiyasında iştirak etmek içün qural ay (mayıs) 20 kününe qadar qayd etile bilesiñiz.

Qayd etilmek içün Ukraina topraqlarında bir-de-bir umumtasil oquv yurtında istegen (kündüz, aqşam, uzaqtan, eksternat) oquv şekili boyunca qabul etilmelisiñiz. Vesiqalarıñızğa qoşma devirde Tışqı mustaqil baalavğa qayd etüv aqqını tasdıqlağan ve serbest şekilde yazılğan arizañıznı qoşmalısıñız.

Vaqtınca işğal etilgen Qırım MC-de yaşağan ve qayd etüv içün vesiqalarını poçta vastasınen yollap olamağan Ukraina vatandaşları belgilengen müddet içinde fotoresimleriniñ ve başqa kerekli vesiqalarnıñ skan şekillerini mütenasip regional merkezniñ elektron menziline yollamalılar.

İşbu şahısnıñ Ukrainada poçta vastasınen malümat almaq içün adresi olmasa, qayd etüvniñ neticeleri onıñ elektron menziline yollanılır. Böyle allarda mustaqil tışqı baalav sertifikatları regional merkezde saqlanılacaq. Olarnı oñaytlı vaqıtta ya da tışqı mustaqıl baalavnı keçirüv yerinde birinci imtiannı tapşırğan arada almaq mümkündir.

QOŞMA SESSİYA İLK YAZ (İYÜN) AYI 26 KÜNÜNDEN BAŞLAP, ORAQ (İYÜL) AYI 12 KÜNÜNE QADAR KEÇİRİLECEKTİR.

QOŞMA SESSİYANIÑ NETİCELERİ ORAQ (İYÜL) AYI 18 KÜNÜNE QADAR BELLİ OLACAQ.

Er bir qayd etilgen iştirakçi eñ çoq 4 oquv feni boyunca testler tapşıra bile.

Qoşma sessiyanıñ yeri ve vaqıtı aqqında malümat tışqı mustaqil baalav iştirakçileriniñ haber saifelerinde davetname-ruhset şekilinde mezkür fen boyunca tışqı baalavnıñ qoşma sessiyasına qadar eñ az 5 taqvimiy kün qalğanda yerleştirile.

MUİM MALÜMAT! Tışqı baalavda iştirak etecek şahıs tışqı baalav merkezine vaqıtında kelmeli ve tışqı mustaqil baalav sertifikatı ile tışqı baalavda iştirak etüv aqqını bergen (nomerası ise Sertifikatta yazılğan) vesiqanı taqdim etmeli.

Qoşma malümatnı Ukraina tasil keyfiyetini baalav merkeziniñ saifesinde oqumağa mümkün:

http://testportal.gov.ua/…/zno-2019-dodatkovyj-period-rey…/…