İşğalden azat etüv şaraitlerindeki keçici devirde adalet meselesi

2018 senesi berim (sentâbr) ayı 21 künü Temsilcilikteki halqara alâqalar hızmetiniñ reisi Yevgen Samuha Ukraina Yuqarı Şurasınıñ insan aqları boyunca Vekâletlisiniñ teşebbüsi ile Qırım MC, Aqyar şeerinde, Donetsk ile Lugansk vilâyetlerinde RF-nıñ arbiy istilâsı neticesinde zarar körgen şahıslarnı qorçalamaq maqsadınen teşkil etilgen Yönetici şuranıñ tesis toplaşuvında iştirak etti.
Tedbir Vekâletliniñ cemaat teşkilâtları ile işbirlik boyunca temsiclisi Andriy Mamalığanıñ yolbaşçılığında Ukraina halq deputatları İgor Lapinniñ ile Sergiy Vısotskiynıñ, Ukraina adliye Nazirligi, Ukraina içtimaiy siyaset Nazirligi, vaqtınca işğal etilgen topraqlar ve devlet içinde köçken şahıslar meseleleri boyunca Ukraina Nazirligi, Baş prokuratura, içki işler Nazirligi ve (‘‘Sıla prava’’, ‘‘Opora’’, Ukraina-Helsinki birligi) uquq qorçalayıcı cemaat teşkilâtları vekilleriniñ iştiragi ile keçirildi.
Tedbir esnasında Yönetici şuranıñ maqsadı, vazifeleri, teşkil etüv tertibi ve faaliyeti, onıñ terkibinde hainlerni ve işğalcilerniñ ortaqlarını mesüliyetke çekmek, rusiye istilâsınıñ qurbanlarına ketirligen zararlarını ödemek, işğalden azat etüv devirinde teşkiliy islâatlarnı keçirmek ve işğalden azat etilgen topraqlarnda tarihiy adaletni tiklemek maqsadınen cinaiy adliye yönelişlerinde çalışacaq iş gruppalarnı teşkil etüvde ihtiyaç muzakere etildi.
Yevgen Samuha öz çıqışında toplaşuvnıñ iştirakçilerine Temsilcilik Yönetici şuranıñ terkbinde faal çalışmağa azır olğanını bildirdi, onıñ terkibine qırımtatar halqınıñ vekillerini kirsetmege kerek olğanını qayd etti ve Temsilcilik diger vekâletli organlar ile beraber Vaqtınca işğal etilgen Qırım toprağından istilânıñ devam etmesine qarşılıq kösterüv, Qırımda Ukraina devletiniñ, uquqiy şahıslarınıñ ve vatandaşlarınıñ aq-uquqlarını qorçalav boyunca 2018-2019 seneleri içün acele areket Planınıñ halqara alâqalar, içki uquqiy siyaset ve idariy faaliyet, memleket içinde köçken vatandaşlarnıñ ve davadan zara körgen başqa şahıslarnıñ aq-uquqlarını qorçalav saalarında vazifelerini yerine ketirgenini tarif etti.