Medeniyet, tarih ve siyaset aqqında munaqaşa

2018 senesi boş ay (noyabr) 2 künü Temsilcilikteki halqara alâqalar ve uquqiy talil hızmetleriniñ baş mesleatçıları Valeriya Pahomova ve Ruslan Seydametov ‘‘Sovet ve sovet soñrası siyaset ve cemiyet’’ jurnalınıñ mahsus sanı esasında ‘‘Kimlik temelli çatışmalar: medeniyet, tarih ve siyaset boyunca rusiye ve ukrain tartışmaları’’ mevzusında panel munaqaşasında iştirak ettiler.

Tedbirni halqara munasebetler İnstitutı (Kıyiv), Yohan Skıtte adına siyasiy araştıruvlar İnstitutı, Tartus universiteti teşkil ettiler.

Tedbirde Nataliya Musiyenko (Ukraina Milliy akademiyası İlmiy-tedqiqiy zemaneviy sanat institutı), Oleksandra Yatsık (PIASt Lehistan ihtisas yükseltüv institutı, Varşava), Oleksandr Potehin ile Marına Bessonova (Ukraina ilimler Milliy akademiyasınıñ cian tarihi İnstitutı), Andriy Makariçev (Tartus universiteti), Andreas Umland (‘‘Sovet ve sovet soñrası siyaset ve cemiyet’’ kitap seriyasınıñ baş muarriri ve ‘‘Sovet ve sovet soñrası siyaset ve cemiyet’’ jurnalınıñ mesleatçı muarriri), yerli ve çetelden kelgen ekspertler iştirak etti.

Munaqaşa esnasında ‘‘Sovet ve sovet soñrası siyaset ve cemiyet’’ jurnalınıñ sanı taqdim etildi, esas siyasiy añlavlar boyunca rusiye ve ukrain müellifleriniñ izaatlarında farq ve böyle izaatlavnıñ aqibeti muzakere etildi. Bundan da ğayrı, munaqaşa iştirakçileri Rusiye Federatsiyasınıñ siyasetini ve onıñ Ukraina topraq bütünligine qarşı areketlerini muzakere ettiler, 2014 senesinden başlap bügünge qadar vaqialarnı talil ettiler, Donetsk ile Lugansk vilâyetleriniñ işğal etilüvi ve Qırım yarımadasınıñ ilhaq etilüvi munasebeti ile ukrain cemiyeti çıqarğan derslerni közden keçirdiler.