Vatandaşlarnıñ muracaatları

 Ukraina Prezidentiniñ Qırım Muhtar Cumhuriyetindeki Temsilciliginiñ iş cedveli:

 Bazarertesi – cuma künlerinde 09.00 – 13.00 ve 14.00-18.00 saatleri arasında çalışa

Cumaertesi, bazar – raatlıq künleri.

Vatandaşlar Ukraina Prezidentiniñ Qırım Muhtar Cumhuriyetindeki Temsilciligine öz muracaatlarını aşağıdaki adreske:

73003,  г. Херсон,  проспект Ушакова, 42

ya da ark@ppu.gov.ua elektron menziline yollay bileler.

DİQQAT! Ürmetli vatandaşlar! 

Ukraina Prezidenti 2017 senesi qural ay (mayıs) 15 künü imzalağan № 133 Ferman ile Ukraina milliy havfsızlıq ve mudafaa Şurasınıñ qararına binaen Yandex.ru, Yandex.ua ve Mail.ru kibi İnternet hızmetlerge irişim qapatıldı. Temsilcilikke elektron poçta vastasınen yollanğan muracaatlarıñıznı ala bilmemiz içün, Rusiye şirketleriniñ poçta hızmetlerini qullanmamağa rica etemiz.

ark predstavnictvo  связь в течении рабочего дня с 14.00 до 17.00

 +38 (0552) 49 59 39

Vatandaşlar Ukraina Prezidentiniñ Qırım Muhtar Cumhuriyetindeki Temsilciligine şahsen muracaat ete bileler.

Ukraina Prezidentiniñ Qırım Muhtar Cumhuriyetindeki Daimiy Temsilcisi vatandaşlarnı şahsen er aynıñ ekinci ve dörtünci bazarertesi künlerinde 14-00 -16:00 saatleri arasında qabul ete.

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ şahşiy qabulına (raatlıq ve bayram künlerinden ğayrı) er kün 10-00 – 13-00 ve 14-00 – 17:00 saatleri arasında yazılmaq mümkündir.

Temsilcilik hızmetleriniñ reberleri ve mütehassısları vatandaşlarnı (raatlıq ve bayram künlerinden ğayrı) er kün 09-00 – 13-00 ve 14-00 – 18:00 saatleri arasında qabul eteler.

Muracaatlarnı qayd etüv, işlep çıqaruv ve vatandaşlarnı qabul etüv aqqında malümatnı (raatlıq ve bayram künlerinden ğayrı) 0 800 502 192 nomeralı ”sıcaq ağ” telefonı vastasınen soramaq mümkün.

«Vatandaşlarnıñ muracaatları aqqında» Ukraina qanunınıñ 5-ci maddesine binaen, muracaatta vatandaşnıñ soyadı, adı ve babasınıñ adı yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmeli. Vatandaş yazılı muracaatını üstünde kününi belgilep ve imzalap teslim etmelidir. Bu talaplarğa riayet etmegen muracaatlar baqılmay.

Elektron muracaatlar ve elektron petitsiyalar boyunca «Vatandaşlarnıñ muracaatları aqqında» Ukraina qanunına 2015 senesi oraq (iyül) ayı 2 künü kirsetilgen deñişmeler aqqındaki № 577-VIII Ukraina qanunı esasında, 2015 senesi ekim (oktâbr) ayı 28 kününden başlap, yazılı muracaatlar İnternet ve elektronik alâqa vastaları yardımınen (elektron muracaat olaraq) yollanıla bile. Muracaatta vatandaşnıñ soyadı, adı ve babasınıñ adı yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmeli. Vatandaş yazılı muracaatını üstünde kününi belgilep ve imzalap teslim etmelidir. Bundan ğayrı, elektron muracaatqa cevap yollanılacaq elektron menzil, ya da muracaat etken şahıs ile basqa bağlanma vastaları yazılmalı. Elektron muracaat yollanğanda, elektron imzanıñ keregi yoq.