Ürmetli vatandaşlar!

Ukraina Nazirler Şurası 2020 senesi saban (mart) ayı 11 künü qabul etken «Ukraina topraqlarında COVİD-19 koronavirusınıñ darqaluvına qarşılıq kösterüv aqqında» 211 sanlı qararğa binaen ve COVİD-19 virusınıñ darqaluvına qarşılıq köstermek maqsadınen Ukraina Prezidentiniñ Qırım MC-deki Temsilciligi vatandaşlarnı şahsen qabul etmekni vaqtınca toqtata.

Aynı vaqıtta şunı qayd etmek isteymiz ki, Temsilcilik vatandaşlarnıñ muracaatlarını:

– (0552) 49-59-39 nomeralı telefon ve 0 800 502 192 nomeralı bedava «sıcaq ağ»;

– Skype ağında ark predstavnictvo adlı qullanıcı;

– zvernennia@ppu.gov.ua elektron menzili vastasınen ve

– Uşakov caddesi, 42, Herson şeeri, 73003 poçta adresi boyunca qabul etmege devam ete.


(COVİD-19) tacmaraz hastalığınıñ darqaluvı sebebinden Ukraina topraqlarında karantin ya da sıñırlayıcı tedbirler devirinde Temsilcilikte vatandaşlarnı şahsiy qabul etüv TERTİBİ

Karantin devirinde vatandaşlarnı qabul etüv tertibi

Bu Tertip Ukraina Prezidentiniñ Qırım Muhtar Cumhuriyetindeki Temsilciliginiñ reberiyeti ve vekâletli şahısları tarafından vatandaşlarnıñ qabul etilmesini teşkil etüv ve keçirüv ceryanlarına esas talaplarnı belgiley

“(COVİD-19) tacmaraz hastalığınıñ darqaluvı sebebinden Ukraina topraqlarında karantin ya da sıñırlayıcı tedbirler devirinde Temsilcilikte vatandaşlarnı şahsiy qabul etüv TERTİBİ”


Qırımlılar içün karantin aqqında müim malümatlar. Eñ sıq rast kelgen suallerge cevaplar

 

  1. Karantin ne sebepten başlana?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin Ukraina topraqlarında COVİD-19 koronavirusınıñ darqatılmasına qarşılıq kösterüv maqsadınen ilân etildi.

  1. Karantin ne vaqıtqace devam etecek?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin 2020 senesi saban ayı 12-den başlap, çiçek (aprel) ayı 3-ce devam etecek.

  1. Karantin deviri devamında neler yasaq etile?

(devamını oqumaq içün, başlıqqa basıñız) “Qırımlılar içün karantin aqqında müim malümatlar. Eñ sıq rast kelgen suallerge cevaplar”


Ürmetli vatandaşlar!

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini Darya Svırıdova 2020 senesi saban (mart) ayı 10 künü Herson şeerinde vatandaşlarnı şahsen qabul etecek edi, amma qabulı aynı aynıñ başqa kününe avuştırıldı. Qabul künü ve vaqıtı aqqında ayrıca haber etilecektir.

Qoşma malümatnı (0552)49-59-39 nomeralı telefon boyunca almaq mümkün, bedava ”sıcaq ağnıñ” nomerası 0 800 502 192.


Darya Svırıdova Hersonda vatandaşlarnı şahsen qabul etecek

2020 senesi saban (mart) ayı 10 künü saat 10:00-dan 12:00-ge qadar Ukraina Prezidentiniñ Qırım MC Daimiy Temsilcisiniñ Birinci muavini Darya Svırıdova Herson şeerinde Uşakov caddesi, 42 adresi boyunca yerleşken Temsilcilikniñ binasında Ukrainanıñ vaqtınca işğal etilgen Qırım toprağında yaşamağa devam etken, ya da yarımadadan köçken vatandaşlarnı şahsen qabul etecek.

Vatandaşlar ”Vatandaşlarnıñ muracaatları aqqında” Ukraina Qanunınıñ 22 maddesine binaen qabul etilecekler.

Qabulğa yazılıp, qoşma malümatnı (0552)49-59-39 telefonı boyunca almaq mümkün, bedava ”sıcaq ağnıñ” nomerası 0 800 502 192.


Darya Svırıdova Hersonda vatandaşlarnı şahsen qabul etecek

2020 senesi kiçik ay (fevral) ayı 10 künü, yani bazarertesi künü saat 10:00-dan 12:00-ge qadar Ukraina Prezidentiniñ Qırım MC Daimiy Temsilcisiniñ Birinci muavini Darya Svırıdova Herson şeerinde Uşakov caddesi, 42 adresi boyunca yerleşken Temsilcilikniñ binasında Ukrainanıñ vaqtınca işğal etilgen Qırım toprağında yaşamağa devam etken, ya da yarımadadan köçken vatandaşlarnı şahsen qabul etecek.

Vatandaşlar «Vatandaşlarnıñ muracaatları aqqında» Ukraina Qanunınıñ 22 maddesine binaen qabul etilecekler.

Qabulğa yazılıp, qoşma malümatnı (0552)49-59-39 nomeralı telefon vastasınen almaq mümkün, bedava «sıcaq ağ» – 0 800 502 192.


Vatandaşlarnıñ muracaatları

Ukraina vatandaşlarınıñ muracaatları içün Ukraina Prezidentiniñ Qırım Muhtar Cumhuriyetindeki Temsilciliginiñ poçta adresi:

  Uşakov caddesi, 42, Herson şeeri, 73003

Muracaatlar içün Temsilcilikniñ elektron menzili:

  zvernennia@ppu.gov.ua

Devlet akimiyeti organlarınıñ ve matbuat vastalarınıñ muracaatları içün Ukraina Prezidentiniñ Qırım Muhtar Cumhuriyetindeki Temsilciliginiñ elektron menzili:

ark@ppu.gov.ua

Qoşma malümat içün telefonlar:

 +380 (552) 49–59–39 – yuridik şahıslardan (devlet akimiyeti organlarından, yerli öz-özüni idare etüv organlarından, şirketlerden, müessiselerden, teşkilâtlardan) kelgen mektüplerni qayd etüv aqqında malümat; vatandaşlarnıñ muracaatlarını qayd etüv, vatandaşlarnı qabul etüv aqqında malümat; Temsilcilik reberiyetiniñ şahsiy qabulına evelden yazıluv içün telefon vastası.

 0 800 502 192 – bedava «sıcaq» ağ.

Yuqarıda qayd etilgen telefonlar vastasınen malümat bazarertesi kününden cuma kününece belgilengen iş saatleri devamında berile.

 

Ukraina Prezidentiniñ Qırım Muhtar Cumhuriyetindeki Temsilciliginiñ iş cedveli

    Bazarertesi – cuma saat 09.00 – 13.00 ve 14.00 – 18.00

Cumaertesi, bazar – raatlıq künleri.

Ürmetli vatandaşlar!

Ukrainanıñ vaqtınca işğal etilgen topraqlarında, yani Qırım Muhtar Cumhuriyetinde ve Aqyar şeerinde yaşağan, ya da qıtağa köçken vatandaşlar Temsilcilikke öz tekliflerinen (mulâazalarınen), arizalarınen (ricalarınen) ve şikâyetlerinen yazılı şekilde ya da ağızdan muracaat ete bileler.

«Vatandaşlarnıñ muracaatları aqqında» Ukraina qanunınıñ 5-ci maddesine binaen, muracaatta vatandaşnıñ soyadı, adı ile babasınıñ adı, yaşağan yeri yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmelidir. Vatandaş muracaatınıñ üstünde tarihnı belgilep, muracaatını imzalamalıdır. Bu talaplarğa riayet etmegen muracaatlar baqılmay.

Elektron muracaatlar ve elektron petitsiyalar boyunca «Vatandaşlarnıñ muracaatları aqqında» Ukraina qanunına 2015 senesi oraq (iyül) ayı 2 künü kirsetilgen deñişmeler aqqındaki № 577-VIII Ukraina qanunı esasında, 2015 senesi ekim (oktâbr) ayı 28 kününden başlap, yazılı muracaatlar İnternet ve elektronik alâqa vastaları yardımınen (elektron muracaat olaraq) yollanıla bile. Muracaatta vatandaşnıñ soyadı, adı ile babasınıñ adı, yaşağan yeri yazılmalı, em de koterilgen meseleniñ, izaatnıñ, teklifniñ, ariza ya da şikâyetniñ, rica ya da talapnıñ mündericesi aks etilmeli. Vatandaş yazılı muracaatınıñ üstünde tarihnı belgilep, muracaatını imzalamalı. Bundan ğayrı, elektron muracaatqa cevap yollanılacaq elektron menzil, ya da muracaat etken şahıs ile basqa bağlanma vastaları yazılmalı. Elektron muracaat yollanğanda, elektron imzanıñ keregi yoq.

Diqqatıñıznı şuña da celp etmege isteymiz ki, Ukraina Prezidenti 2017 senesi qural ay (mayıs) 15 künü imzalağan № 133/2017 Ferman ve Ukraina milliy havfsızlıq ve mudafaa Şurası 2017 senesi çiçek (aprel) ayında qabul etken ‘‘Mahsus şahsiy iqtisadiy ve başqa sıñırlama tedbirlerni (sanktsiyalarnı) qullanuv’’ mevzusında qarar ömürge keçirilip, Ukrainada Yandex.ru, Yandex.ua ve Mail.ru kibi İnternet vastalarına irişim sıñırlandı. Elektron poçta vastasınen yollanğan muracaatlarıñıznıñ Temsilcilikke kele bilmesi içün, lütfen, Rusiye şirketleriniñ poçta hızmetlerini qullanmañız.