2021 senesi çiçek ayınıñ 7-de Ukraina Nazirler Şurası Qırımtatar tilini inkişaf ettirüv kontseptsiyasını qabul etti

Kontseptsiyanı azırlavda meraqlanğan akimiyet organları, Qırımtatar Milliy Meclisi, mütenasip ilmiy ve tasil müessiseleri, cemaat teşkilâtları ve şu cümleden işğal etilgen Qırım topraqlarında yaşağan ekspertler faal iştirak etti.
Al-azırda qırımtatar tili acınıqlı vaziyette bulunğanını UNESCO qayd ete, bu aqta ukrain alimleri qonuşa, Qırım ile Aqyarnıñ Rusiye tarafından vaqtıca işğal etilmesi ise işbu meselelerni daa beter alğa ketirgeni BM qararnamelerinde ve başqa vesiqalarda beyan etilgendir.

”Kontseptsiya ögümizdeki 10 yıllıq faaliyet içün temel olaraq hızmet etecek. Bu, 2022-2032 seneleri devamında Qırımtatar tilini inkişaf ettirüv strategiyasını meydanğa ketirecek areketlerniñ birinci adımıdır”, – dep qayd etti Ukraina baş nazir muavini Oleksiy Reznikov.

 

”Qırımtatar tili vastasınen Ukraina içün yaratılğan imkânlarnıñ qıymetini biz al-azırda tolu derecede añlap olamaymız. Onu ukrain türkiy til olaraq qabul etmelimiz. Qırımtatar tili qurulışı ceetinden universal olğanı içün, onı bilgen insan er bir türkiy tilni añlap ola. O, em Ankara, em Baku, em Nur-Sultanda yaşağan ortaqlarımıznen bir tilde laf etmege imkân bermektedir”, – dep qoştı Oleksiy Reznikov.

📌 Başqa tedbirlernen bir sırada, latin urufatı esasında qırımtatar tilini inkişaf ettirüv ğayesi pekitile – taa 1991 senesinden berli aktualligini coymağan işbu strategik qarar dünyadaki qırımtatar derneklerniñ birleştirilmesine hızmet eter.
📌 Ekinciden, qırımtatar tilini öğrenmege aves etken er kes içün imkânlarnıñ yaratılması planlaştırıla, çünki ukrainler arasında da onı meraq etkenler çoqtır.
📌 Üçünciden, tilni inkişaf ettirüv Qırım ile canlı bağımızdır.