2020 senesi berim ayı 30 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva Moldovanıñ Ukrainada Fevqulâde ve Tolu Vekâletli Elçisi Ruslan Bolboçan ile körüştiler

Körüşüv esnasında insan aqlarınıñ bozuluvı meselesinen bir arada Qırımnı ve Qaradeñiz regionını silâlaştiruv, yarımadağa Rusiyeden avuştırılğan adamlar esabına yerli ealini almaştıruv, bala aqlarını bozuv, Rusiye Federatsiyası tarafından teşkil etilgen arbiy teşkilâtlarğa balalarnı celp etüv, Rusiye ordusına qanunsız şekilde gençlerni çağıruv, tabiatqa ketirilgen zarar, Ukraina Ortodoks Kilisesine basqı, tamır qırımtatar halqınıñ aq-uquqlarını bozuv kibi meseleler muzakere etildi.  Körüşüvde muzakere etilgen müim meselelerden biri, sanktsiyalar tertibi meselesi, Ukraina ortaqları tarafından sanktsiyalar cedvelini kenişletüv ve 2014 senesi saban (mart) ayında BM Baş Assambleyasınıñ qararında qayd etilgen tanımamazlıq siyasetini devam etüvdir. İşğalci organlar tarafından areket sıñırlanması ile bağlı olğan yañı çağıruvlar da ayrıca muzakere etildi.

Moldova Cumhuriyeti, Ukrainanıñ Rusiye tecavüzine qarşı küreşinde memleketimizniñ daimiy ortağı, çünki topraqlarını işğalden azat etüvge, memleket içinde avuşuvğa dair öz tecribesine saiptir. Başqa memleketlernen tecribe ile almaşuv, vaqtınca işğal etilgen topraqlarnen bağ tutuv silâlı tecavüzniñ menfiy neticelerine qarşılıq kösterüv saasında devlet siyasetiniñ müim qısımlarıdır.

 

Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Moldovanıñ Ukrainada Fevqulâde ve Tolu Vekâletli Elçisi Ruslan Bolboçanğa öz minnetdarlığını bildirdi.