Arman ayınıñ 23-de Ukraina Prezidenti Volodımır Zelenskıynıñ iştiragi ile halqara ortaqlarımızğa ve cemiyetke Qırım platforması Ofisi – Ukraina Prezidentiniñ Qırım Muhtar Cumhuriyetindeki Temsilciliginiñ temelinde ayri bir bölük olaraq Kıyiv şeerinde Gruşevskıy soqağı, 24/2 adresi boyunca yerleşken Temsilcilikniñ yañı binasında faaliyeti yürsetip, Ukraina devlet akimiyet organlarını, ecnebiy devletlerni, halqara teşkilâtlarnı ve Qırımda yaşağan Ukraina vatandaşlarını yönetüv ve aralarında bağ tutuv içün daimiy sürette hızmet etecek bir meydançıq taqdim etildi

Ofisni taqdim etüvden aldın devamlı ve qızğın faaliyetimiz aqqında bilgenler az, onıñ içün bugün biz Sammit arfesinde azırlanuvnıñ bazı kündelik ceryanlarınen paylaşmağa isteymiz. 

Temsilcilik içün Qırım platforması Ofisiniñ tek ameliy şeylernen degil de, timsallernen de toldurılması müim edi, faaliyetimizniñ esas maqsadı Qırımnı işğalden azat etüv olğanı içün, Kıyiv şeerindeki bu topraqta er bir adım Qırım aqqında hatırlatqanını istedik.

Onıñ içün hadimlerimiz, Ukraina yetekçilik akademiyasınıñ talebeleri em de olarnıñ arasında, elbette, Qırım sakinleri ve akademik O.V. Fomin adına Botanik bağçasınıñ hadimleri beraberlikte Temslicilikniñ içki azbarlarında Qırım tabiatına ait olğan terek ve çalılarnı saçıp, saanı tıpqı Qırım azbarlarına çevirdi. 

Qırım platforması Ofisiniñ yeşillenmesine issesini qoşqan Ukraina yetekçilik akademiyasınıñ talebelerine minnetdarlığımıznı bildiremiz. Umumiy vazife içün birleşe bilmek sizge ögretilgen yetekçilik qabiliyetleriniñ müim bir qısmıdır.

Bundan ğayrı, Taras Şevçenko adına Kıyiv milliy universitetindeki ”Ayatiyat ve tibbiyet institutı” merkeziniñ akademik O.V. Fomin adına Botanik bağçasına minnetdarlığımıznı bildiremiz, çünki hadimleriñizniñ yardımı ile Qırım tabiyatınıñ nümüneleri Qırım platforması Ofisiniñ içki azbarında ösmege başladı.

Vaqtınca işğal etilgen Qırımnı işğalden azat etüv oğrundaki umumiy faaliyet bizni birleştire.

Ukraina Prezidenti Ofisi, Ukraina çetel işler Nazirligi

Video