Bügün Ukraina Nazirler Şurası, vaqtınca işğal etilgen topraqlarda yaşap, Ukraina Ükümeti tarafından nezaret etilgen topraqlarda oqumağa planlaştırğan abituriyentler, ya da al-azırda oquğan studentler içün KÇNN-dan keçken soñ özlerini etraf müitten ayıruvlarına dair 641 sanlı Qararını qısmen deñiştirdi.

Ukraina Prezidentiniñ Qırım Muhtar Cumhuriyetindeki Temsilciligi studentlerni ve abituriyentlerni özüni etraf müitten ayruvdan azat etken Ükümet qararını alğışlay. Bu sene Ukraina Prezidentiniñ teşebbüsi ile vaqtınca işğal etilgen topraqlarda yaşağan balalar içün Ukrainanıñ eñ yahşı aliy oquv yurtlarına kirüv imkânlar epeyi kenişletildi. Böyle areketler işğalde yaşağan vatandaşlarımıznen alâqalarımıznı qorçalay, olarğa açıq olğanımıznı ve gençlerimizni qorçalap, qayğırmağa azır olğanımıznı köstere. Ukraina aliy oquv yurtlarına kirüv balalar içün kelecek fırsatlarını  Ukrainada saylamağa, memleketniñ sıñırlarından tış tanılğan diplomnı almağa, dünyanıñ eñ yahşı aliy oquv yurtlarınıñ almaşuv leyhalarında ve magister programmalarında iştirak etmege, staj yapmağa ve Avropağa vizasız seyahatlar yapmağa imkânlar yarata. Bundan ğayrı, karantin tedbirler ve Rusiye Federatsiyasınıñ işğalci akimiyeti tarafından KÇNN keçüvnen bağlı sıñırlamalar sebebinden Qırımdan kelgen balalar içün kiriş kampaniyası ekim (oktâbr) 23 kününece uzatıldı. Ve biz mında propagandasız oqup tasil almağa istegen er kesni bekleymiz, – dep izaatlay Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç.

“Bügün Ukraina Nazirler Şurası, vaqtınca işğal etilgen topraqlarda yaşap, Ukraina Ükümeti tarafından nezaret etilgen topraqlarda oqumağa planlaştırğan abituriyentler, ya da al-azırda oquğan studentler içün KÇNN-dan keçken soñ özlerini etraf müitten ayıruvlarına dair 641 sanlı Qararını qısmen deñiştirdi.”