Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva Yaponiyanıñ Ukrainada Elçihanesinde Missiya başlığınıñ muavini Otsuko Kadzuya ve siyasiy bölükniñ reisi Daysuke Minamino ile körüştiler

2014 senesi saban (mart) ayında BM Baş assambleyasınıñ Rezölütsiyasında qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv meseleleri muzakere etildi.

“Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva Yaponiyanıñ Ukrainada Elçihanesinde Missiya başlığınıñ muavini Otsuko Kadzuya ve siyasiy bölükniñ reisi Daysuke Minamino ile körüştiler”


Arman ayı 1 kününden başlap, Ukrainanıñ nezareti altında bulunğan topraqlarğa taba Qırım MC ile Herson vilâyeti arasındaki memuriy sıñırdan keçken vatandaşlar içün mecburiy özüni etraf müitten ayırmaq talabı lâğu etile

Yarından, yani arman ayı 1 kününden başlap, Ukrainanıñ nezareti altında bulunğan topraqlarğa taba Qırım MC ile Herson vilâyeti arasındaki memuriy sıñırdan keçken vatandaşlar içün mecburiy özüni etraf müitten ayırmaq talabı lâğu etile. Bu aqta Ükümetniñ qararına esaslanıp haber ete Ukraina devlet sıñır hızmetiniñ sözcüsi Andriy Demçenko.

“Arman ayı 1 kününden başlap, Ukrainanıñ nezareti altında bulunğan topraqlarğa taba Qırım MC ile Herson vilâyeti arasındaki memuriy sıñırdan keçken vatandaşlar içün mecburiy özüni etraf müitten ayırmaq talabı lâğu etile”


Bügün Ukraina Prezidenti Volodımır Zelenskıy ”Ayrı diniy bayramlarnıñ statuslarını belgilev meselesi” aqqında 303/2020 sanlı Fermanını imzaladı

Volodımır Zelenskıy Ukraina Nazirler Şurası ile beraber Bütünukrain Kiliseler Şurası ile beraberlikte Oraza bayramı, Qurban bayramı, Pesah, Roş-Gaşana, Hanuka, garbiy hristianlarnıñ Pasha bayramı ve diger bayramlarğa devlet statusını bergen qanun leyhasını azırlamağa ve işbu qanun leyhasını Ukraina Yuqarı Şurasına taqdim etmege avale etti.

“Bügün Ukraina Prezidenti Volodımır Zelenskıy ”Ayrı diniy bayramlarnıñ statuslarını belgilev meselesi” aqqında 303/2020 sanlı Fermanını imzaladı”


Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva etnosiyaset ve vicdan serbestligi meseleleri boyunca Devlet hızmetiniñ reisi Olena Bogdan ve onıñ taqımı ile körüştiler

Körüşüv vaqtınca işğal etilgen Qırımda diniy serbestlikni qorçalav oğrunda Ukraina akimiyet organlarınıñ umumiy areketlerini muzakere etüv, tamır qırımtatar halqınıñ aq-uquqlarını qorçalav ve etnik çeşitligini saqav kibi meselelerge bağışlanğan edi. “Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva etnosiyaset ve vicdan serbestligi meseleleri boyunca Devlet hızmetiniñ reisi Olena Bogdan ve onıñ taqımı ile körüştiler”


Temsilcilik taqımı Kanada devletiniñ Ukrainada Fevqulâde ve Tolu Vekâletli Elçisi Larısa Ğaladza ile körüşti

Bügün Ukraina Prezidentiniñ Qırım Muhtar Cumhuriyetindeki Temsilcilik taqımı Kanada devletiniñ Ukrainada Fevqulâde ve Tolu Vekâletli Elçisi Larısa hanım Ğaladza ile körüşti.

Körüşüvde Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç, onıñ muavinleri Darya Svırıdova ve Tamila Taşeva iştirak ettiler.

“Temsilcilik taqımı Kanada devletiniñ Ukrainada Fevqulâde ve Tolu Vekâletli Elçisi Larısa Ğaladza ile körüşti”


İdareler arası işbirlik ve uyğunlaştıruv çerçivesinde Ukraina Prezidentiniñ Qırım Muhtar Cumhuriyetindeki Temsilciligi ve Qırım MC-deki Ukraina Havfsızlıq hızmetiniñ Baş idaresi RF Federal Havfsızlıq Hızmeti tarafından Temsilcilikke qarşı teşkil etilgen kiber-ücümni toqtattı ve yoq etti

Kiber-ücüm Temsilcilikniñ faaliyeti aqqında malümat almaq maqsadınen teşkil etilgen edi. Temsilcilik ve Qırım MC-deki Ukraina Havfsızlıq hızmetiniñ Baş idaresi em Qırım meselelerinen oğraşqan devlet organlarınıñ faaliyetini qorçalav, em de işğalden zarar körgen vatandaşlarımıznıñ aq-uquqlarını ve menfaatlarını qorçalav oğrundaki idareler arası işbirliklerini devam etecekler.

“İdareler arası işbirlik ve uyğunlaştıruv çerçivesinde Ukraina Prezidentiniñ Qırım Muhtar Cumhuriyetindeki Temsilciligi ve Qırım MC-deki Ukraina Havfsızlıq hızmetiniñ Baş idaresi RF Federal Havfsızlıq Hızmeti tarafından Temsilcilikke qarşı teşkil etilgen kiber-ücümni toqtattı ve yoq etti”


Ukraina Prezidentiniñ Qırım Muhtar Cumhuriyetindeki Temsilciligi Ruslan, Elzara, Muhammed, Asiye, Server ağa ve Zera hanım Suleymanovlarğa qorantalarında yüz bergen facia – olarnıñ oğlu, qardaşı ve torunı Musa vefat etkeni munasebetinen teren taziye bildire. Kiçkene Musa siyasiy mabus Ruslan Suleymanovnıñ oğlu edi.

Bu eki kün devamında oğlançıqnı qıdırıp, qırımtatar halqınıñ quvetini ve birdemligini, eñ qıyın vaqıtta yardımğa kelmek azırlığını bir kere daa numayış etken er bir insanğa öz minnetdarlığımıznı bildiremiz.

Allah rahmet eylesin!


Ukraina Prezidentiniñ Qırım Muhtar Cumhuriyetindeki Temsilcilik taqımı Estoniya Cumhuriyetiniñ Elçihanesini ziyaret etti ve Estoniya Cumhuriyetiniñ Fevqulâde ve Tolu Vekâletli Elçisi Kaimo Kuusk ile körüşti

İş aftası bir sıra körüşüvlernen yekünlendi. Ukraina Prezidentiniñ Qırım Muhtar Cumhuriyetindeki Temsilcilik taqımı Estoniya Cumhuriyetiniñ Elçihanesini ziyaret etti ve Estoniya Cumhuriyetiniñ Fevqulâde ve Tolu Vekâletli Elçisi Kaimo Kuusk ile körüşti.

“Ukraina Prezidentiniñ Qırım Muhtar Cumhuriyetindeki Temsilcilik taqımı Estoniya Cumhuriyetiniñ Elçihanesini ziyaret etti ve Estoniya Cumhuriyetiniñ Fevqulâde ve Tolu Vekâletli Elçisi Kaimo Kuusk ile körüşti”


Bügün Ukraina Prezidentiniñ Qırım Muhtar Cumhuriyetindeki Temsilcilik taqımı Felemenk devletiniñ Ukrainada Fevqulâde ve Tolu Vekâletli Elçisi Yennes de Mol ile körüşti

Körüşüvde vaqtınca işğal etilgen Qırımda insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve tamır qırımtatar halqınıñ aq-uquqlarını bozuv meseleleri muzakere etildi. Körüşüvde muzakere etilgen müim meselelerden biri, sanktsiyalar tertibi meselesi, Ukraina ortaqları tarafından sanktsiyalar cedvelini kenişletüv ve 2014 senesi saban (mart) ayında BM Baş Assambleyasınıñ qararında qayd etilgen tanımamazlıq siyasetini devam etüvdir.

“Bügün Ukraina Prezidentiniñ Qırım Muhtar Cumhuriyetindeki Temsilcilik taqımı Felemenk devletiniñ Ukrainada Fevqulâde ve Tolu Vekâletli Elçisi Yennes de Mol ile körüşti”