Month: June 2020

Ukraina Prezidentiniñ Qırım MC-deki Temsilciliginiñ teşebbüsi ile Qırım Muhtar Cumhuriyeti Prokuraturası devlet imayesi altına alınğan topraqlarnı ve tabiat-qoruq fonduna ait obyektlerni, hususan Qırım tabiat qoruğını, Qırım tabiat qoruğınıñ ”Aqquşlar adası” ornitologik şubesini, ”Martyan burnu” milliy tabiat qoruğını, Opuq tabiat qoruğını aselet yoq etüvge ve olarğa zarar ketirüvge hızmet etken areketler yapqan Qırım işğalci akimiyetiniñ vekillerine qarşı Ukraina ceza Kodeksiniñ 252 maddesine binaen cinaiy iş açtı.

“Ukraina Prezidentiniñ Qırım MC-deki Temsilciliginiñ teşebbüsi ile Qırım Muhtar Cumhuriyeti Prokuraturası devlet imayesi altına alınğan topraqlarnı ve tabiat-qoruq fonduna ait obyektlerni aselet yoq etüvge ve olarğa zarar ketirüvge hızmet etken areketler yapqan Qırım işğalci akimiyetiniñ vekillerine qarşı Ukraina ceza Kodeksiniñ 252 maddesine binaen cinaiy iş açtı.”

Esas qanun  – metinde yazılğan adiy sözler degildir. Esas qanun, vatandaşlar yaşağan devlet içün çerçiveler belgiley, aq ve sebestliklerni pekite. Kerçek Esas qanun, Rusiyedekinden farqlı olaraq, cinayetlerni gizlemek ve monarhik idare şekilini qurmaq içün yazılmay.

Qırım ile Donbas beraberlikte Ukrainanıñ topraq bütünligi ğayrıdan tiklenmesine qadar ukrain toprağınıñ er bir metresini arbiy ve diplomatik cebelerinde qorçalağanımız kibi, Esas qanunnı da kündelik zametli faaliyetimiznen qorçalamalımız!

Bayram cümlemizge hayırlı olsun! 

“Ukraina Prezidentiniñ Qırım MC Temsilciligi Ukraina Esas qanunı künü ile hayırlay!”

Ukraina Prezidentiniñ Qırım MC-deki Daimiy Temsilcisi Anton Korınevıç, vazifede keçirgen birinci yılı ve Devlet başlığınıñ avalesine dair Qırım topraqlarına irişimi olmadan Temsilcilikniñ faaliyetini quvetleştirmek maqsadınen yapıqan adımları aqqında ikâye etti.

“Ukraina Prezidentiniñ Qırım MC-deki Daimiy Temsilcisi Anton Korınevıç, vazifede keçirgen birinci yılı ve Devlet başlığınıñ avalesine dair Qırım topraqlarına irişimi olmadan Temsilcilikniñ faaliyetini quvetleştirmek maqsadınen yapıqan adımları aqqında ikâye etti”

Ukraina Yuqarı Şurasında Ukraina Prezidenti Volodımır Zelenskıynıñ teşebbüsi ile ”Aliy tasil aqqıda Ukraina qanunına deñişmeler kirsetüv aqqında” acele qanun leyhası qayd etildi. Bu qanun leyhası vaqtınca işğal etilgen Qırım Muhtar Cumhuriyeti, Aqyar şeeri, Donetsk ve Lugansk vilâyeti topraqlarında yaşağan gençlerni ve başqa şahıslarnı, şu cümleden, COVİD-19 neticesinde elâk olğan ekimlerniñ balalarını aliy oquv yurtlarına qabul etüvge bağışlanğandır.

“Ukraina Yuqarı Şurasında Ukraina Prezidenti Volodımır Zelenskıynıñ teşebbüsi ile ”Aliy tasil aqqıda Ukraina qanunına deñişmeler kirsetüv aqqında” acele qanun leyhası qayd etildi”

Qırım MC ile memuriy sıñırda kiriş-çıqış nezaret etüv noqtaları (KÇNN) açılğan soñ, Ukraina akimiyetiniñ nezareti altında bulunğan topraqlarğa keçken şahıs 14 kün devamında ”Evde areket et” cep ilâvesi vastasınen özüni etraf müitten ayırmalı. Aks alda memuriy sıñırdan keçiş yasaq etile bile.

“”Evde areket et” ilâvesi aqqında neler bilmelisiñiz?”

Bügün, yani 2020 senesi ilk yaz ayınıñ 23-de, Ukraina Prezidentiniñ Qırım MC-deki Daimiy Temsilcisi Anton Korınevıç resmiy eyet terkibinde Ukraina ile Avropa Birligi arasında insan aqları boyunca Dialogda iştirak etti.

Ukraina eyetine Avropağa integratsiya etüv meseleleri boyunca Ukraina adliye Naziriniñ muavini Valeriya Kolomiyets yolbaşçılıq yaptı. Dialog kün devamında Kıyiv ile Brüssel arasında onlayn alâqa vastaları yardımınen keçirile ve 12 tematik bloktan ibarettir. Eyetniñ Başlığı devlet tarafından insan aqları boyunca Milliy strategiyanıñ yerine ketirilmesine bağışlanğan çıqışını bitirgen soñ, saba oturuşuvı vaqtınca işğal etilgen Qırım ve Donbas topraqlarında insan aqlarına riayet etüv kibi müim meselenen başlanğan edi.

“2020 senesi ilk yaz ayınıñ 23-de Ukraina Prezidentiniñ Qırım MC-deki Daimiy Temsilcisi Anton Korınevıç resmiy eyet terkibinde Ukraina ile Avropa Birligi arasında insan aqları boyunca Dialogda iştirak etti”

Bügün Ukraina Yuqari Şurasında vaqtınca işğal etilgen Qırım Muhtar Cumhuriyetinde ve Aqyar şeerinde ölüm ve doğuv adiselerini qayd etüvge dair memuriy ceryanınıñ başlatılması maqsadınen 3713 ve 3714 sanlı qanun leyhaları qayd etildi.

“Bügün Ukraina Yuqari Şurasında vaqtınca işğal etilgen Qırım Muhtar Cumhuriyetinde ve Aqyar şeerinde ölüm ve doğuv adiselerini qayd etüvge dair memuriy ceryanınıñ başlatılması maqsadınen 3713 ve 3714 sanlı qanun leyhaları qayd etildi”

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavinleri Darya Svırıdova ile Tamila Taşeva Ukraina çetel işler Naziriniñ Birinci muavini Emine Caparova ile körüştiler.

“Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavinleri Darya Svırıdova ile Tamila Taşeva Ukraina çetel işler Naziriniñ Birinci muavini Emine Caparova ile körüştiler”