Prezident: Qırım meselelerini muzakere etken meydançıqlarnıñ miqdarı al-azırda yeterli degil

Ukraina Prezidenti Volodımır Zelenskıy Qırımnı işğalden azat etüv mevzusını halqara seviyede muzakere etecek meydancıqlarnıñ miqdarını arttırmağa teklif ete.

”Bu, bizim toprağımız, bizim halqımız, asılında, Qırım aqqında laf etilmesi içün al-azırdaki meydançıqlarnıñ miqdarı yeterli degildir. Kerçekni aytacaq olsaq, Minsk ceryanında Qırım meselesi köterilmey”, – Kıyiv şeerinde keçirilgen matbuat konferentsiyası esnasında dep ayttı Devlet başlığı.

Onıñ aytqanına köre, Minsk ceryanı çerçivesindeki Üç taraflama kontakt gruppasınıñ toplaşuvlarında imzalanğan Minsk añlaşmaları boyunca muzakere etile bilecek meselelerniñ cedveli bardır.

”Anda Qırım meselesi yoq. Bunıñ adaletsizlik olğanınen razım”, – dep qoştı Volodımır Zelenskıy “Prezident: Qırım meselelerini muzakere etken meydançıqlarnıñ miqdarı al-azırda yeterli degil”