Qırımlılar içün karantin aqqında müim malümatlar. Eñ sıq rast kelgen suallerge cevaplar

 

  1. Karantin ne sebepten başlana?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin Ukraina topraqlarında COVİD-19 koronavirusınıñ darqatılmasına qarşılıq kösterüv maqsadınen ilân etildi.

  1. Karantin ne vaqıtqace devam etecek?

Ukraina Nazirler Şurası 2020 senesi saban ayı 11 künü qabul etken 211 sanlı qararğa binaen, karantin 2020 senesi saban ayı 12-den başlap, çiçek (aprel) ayı 3-ce devam etecek.

  1. Karantin deviri devamında neler yasaq etile?

(devamını oqumaq içün, başlıqqa basıñız) “Qırımlılar içün karantin aqqında müim malümatlar. Eñ sıq rast kelgen suallerge cevaplar”


Ükümet: Sıñır bekçileri ukrainalılarnıñ insaniy ihtiyaçlarını közge alaraq, olarnı Qırımğa ve Qırımdan keçire bileler

Ukrayna vatandaşlarınıñ vaqtınca işğal etilgen Qırım MC ve Aqyar şeerine kirişi/çıqışı olarnıñ insaniy ihtiyaçları esasında ve Vaqtınca işğal etilgen topraqlarnı ğayrıdan integratsiya etüv meseleleri boyunca Ukraina nazirligini haberdar etken Ukraina devlet sıñır hızmetiniñ qararına binaen mümkün ola bilir.

Saban (mart) ayı 18 künü Ükümet öz oturışında Ukraina Nazirler Şurası 14.03.2020 qabul etken «Ukraina topraqlarında SARS-CoV-2 koronavirus sebebinden yüz bergen COVİD-19 keskin respirator virus hastalığınıñ darqaluvına qarşılıq kösterüv maqsadınen vaqtınca işğal etilgen Qırım Muhtar Cumhuriyeti ve Aqyar şeeri ile memuriy sıñırdaki kiriş-çıqış nezaret noqtalarınıñ faaliyetini toqtatuv aqqında» 291-р sanlı qararına mütenasip deñişmelerni kirsetüv aqqında qarar aldı “Ükümet: Sıñır bekçileri ukrainalılarnıñ insaniy ihtiyaçlarını közge alaraq, olarnı Qırımğa ve Qırımdan keçire bileler”


Memleket içinde köçken şahıslarnıñ mecburiy şekilde teşkerilüvi karantin bitkenine qadar lâğu etildi

Ukraina Yuqarı Şurası karantin devirinde memleket içinde köçken şahıslardan Ukraina ükümetiniñ nezareti altında bulunğan topraqlarda yaşağanlarınıñ isbatlanmasını vaqtınca talap etmemege qarar aldı, bu sebepten ukrainalılarnıñ memleket içinde köçken şahıslar olaraq qayd etilgenleri aqqında malümat kâğıtları öz aqiqiyligi coymaycaq, vatandaşlar karantin bitken soñ esaplanğan pensiyalarını ve içtimaiy tölevlerini ala bilecek “Memleket içinde köçken şahıslarnıñ mecburiy şekilde teşkerilüvi karantin bitkenine qadar lâğu etildi”


Müim malümat! Diqqat etiñiz!

Vaqtınca işğal etilgen Qırım Muhtar Cumhuriyeti ve Aqyar şeeri ile memuriy sıñırdaki kiriş-çıqış nezaret noqtalarınıñ faaliyeti 2020 senesi çiçek (aprel) ayı 3 kününe qadar vaqtınca toqtatıldı.

Böyle qararnı Ukraina Nazirler Şurası Ukraina topraqlarında SARS-CoV-2 koronavirus sebebinden yüz bergen COVİD-19 keskin respirator virus hastalığınıñ darqaluvına qarşılıq kösterüv maqsadınen qabul etti (UNŞ 2020 senesi saban ayı 14 künü qabul etken 291-р sanlı qarar https://cutt.ly/UtjYcD3).

KÇNN-lar aşağıdaki şahıslarnı qabul eteceklerine diqqatıñıznı celp etemiz:

– VAQTINCA İŞĞAL ETİLGEN TOPRAQLARĞA Qırım Muhtar Cumhuriyetinde ya da Aqyar şeerinde resmiy şekilde qayd etilip yaşağan vatandaşlar ve olarnıñ qoranta azaları, naqliyat vastaları, yükleri ve başqa mülkiyetleri;

– VAQTINCA İŞĞAL ETİLGEN TOPRAQLARDAN Qırım Muhtar Cumhuriyetiniñ ya da Aqyar şeeriniñ tışında  resmiy şekilde qayd etilip yaşağan Ukraina vatandaşları, olarnıñ naqliyat vastaları, yükleri ve başqa mülkiyetleri.

Bundan ğayrı, milliy menfaatımıznı qorçalamaq, ya da halqara mecburiyetlerini eda etmek maqsadınen vaqtınca işğal etilgen Qırım Muhtar Cumhuriyetinden ve Aqyar şeerinden çıqıp ketken şahıslarnı, diplomatik müessiselerniñ ve gumanitar missiyalarnıñ vekilleri, olarnıñ naqliyat vastaları, yükleri ve başqa mülkiyetleri de KÇNN-dan keçe bilecek.

Vaqtınca işğal etilgen Qırım Muhtar Cumhuriyetinden ve Aqyar şeerinden ketmege niyetlengen diger yabancılar, vatandaşlıqları olmağan şahıslar öz seyaatlarını Vaqtınca işğal etilgen topraqlarnı ğayrıdan integratsiya etüv meseleleri boyunca nazirlik ile uyğunlaştırmalılar.