Ayri vekâletli şahıslarnıñ beyanatlarına qıymet keser eken, Temsilcilik Rusiye Federatsiyası tarafından vaqtınca işğal etilgen Qırım MC-ni ve Aqyar şeerini yarımada işğalden azat etilmegence suv ile temin etüv aqılğa yatmağan bir teklif olğanını resmiy şekilde bildire

Şunı qayd etmege isteymiz ki, işğal başlanğan soñ Qırımğa suv berilmesi toqtatıldı. Halqara uquqnıñ şartlarına binaen, vaqtınca işğal etilgen topraqlarda yaşağan ealiniñ keçinişini teminlev işğalci devlet üzerine yüklene.

Ukraina öz vatandaşlarnıñ, bu cümlede vaqtınca işğal etilgen topraqlarda mecburen yaşağanlarnıñ menfaatlarını qorçalamalıdır. Ukrainanıñ nezareti altında bulunğan topraqlardan Qırımğa suv berüv ise işğalci devletke yapılğan basqını yengilleştire. Neticede Ukraina topraqlarında işğal müddeti uzatılır, işğalci Rusiye akimiyeti ise vatandaşlarımıznı taqip etmege devam eter.