Anton Korınevıç: ”Ukraina onıñ topraq bütünligine ve egemenligine qol tutqan halqara cemiyetke minnetdardır”

“Age of Crimea – Qırım deviri” forumı çerçivesinde keçirilgen ”Qırımnıñ kelecegi aqqında dialog nasıl olmalı: yarımadanı işğalden azat etüv sekiliniñ muzakere etilüvi içün meydançıq” panel munaqaşasında çıqışta bulunğan Anton Korınevıç, Ukraina onıñ topraq bütünligine ve egemenligine qol tutqan halqara cemiyetke minnetdar olğanını qayd etti. BMT Baş Assambleyası 2014 senesi saban ayında Ukrainanıñ topraq bütünligine qol tutıp, qabul etken qararı ile bütün dünya içün tanımamazlıq siyasetine temel qoydı, ”Qırım Ukrainadır” şekilinde isbatlanmasını talap etmegen bir qaide meydanğa ketirdi “Anton Korınevıç: ”Ukraina onıñ topraq bütünligine ve egemenligine qol tutqan halqara cemiyetke minnetdardır””


Darya Svırıdova: ”Qırım mevzusı uquqiy cenkniñ şahsiy cebeme çevirildi”

Darya Svırıdova: ”Qırım mevzusı bügün añılğan uquqiy cenkniñ şahsiy cebeme çevirildi. Çünki men, salonda bulunğan çoqtan-çoq adam kibi, qırımlım. Şübesiz ki, ögümde turğan vazifege lâyıq qıymet kesmemek mümkün degil. Amma uquqiy cenk aqqında söz yürsetir ekenmiz, asılında bu uquqiy cenk menim içün qollarımdan keçken ya da zenaatdaşlarım oğraşqan muayyen insanlarnıñ davalarıdır. Ve, elbette, menim içün bu cenk, şu cenkniñ qurbanları oğrunda bir cenktir”.

Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini Qırımnıñ Rusiye tarafından işğal etilüvine qarşılıq kösterüvge bağışlanğan ”Age of Crimea 2020” forumındakı çıqışı esnasında, altı yıl evelsi kiçik aynıñ 26-da ”Qırım Ukrainadır” şiarınen Aqmescit şeerindeki meydanğa çıqqan muayyen Ukraina vatandaşları zararlanıp, yüksek fiyat ödegenlerini qayd etti. Ahtem Çıygoz, Mustafa Degermenci, Ali Asanov ve digerleri eñ azından eki yıllıq apis cezasına maküm etildiler. 2014 senesi saban ayı 9 künü Aqyar şeerindeki meydanda soñki Ukrainağa qol tutuv tedbirinde yaqalanğan ve ale daa apishanede bulunğan faalci Mıkola Şıptura aqqında da hatırladı. İşğalniñ muayyen qurbanlarını, siyasiy mabuslarnıñ adlarını añdı. Böyle adlar pek çoq ve biz olarnı unutmamalılız “Darya Svırıdova: ”Qırım mevzusı uquqiy cenkniñ şahsiy cebeme çevirildi””


Ukraina Prezidenti: Qırımdaki birinci qurbanlarnıñ adlarını hatırlaymız, vatandaşlarımıznıñ episini azat etmek içün qolumızdan kelgenini yaparmız

Ukraina Prezidenti Volodımır Zelenskıy qanunsız alda apiske alınğan bütün Ukraina vatandaşlarını, bu cümleden, qırımlı siyasiy mabuslarnı azat etilüvine dair ümüt bildirdi.

Kıyiv şeerinde ”Age of Crimea 2020” forumınıñ açıluvı merasiminde Devlet başlığı, Ukraina bir çoq vatandaşımıznı, olarnıñ arasında Qırım siyasiy mabusları Edem Bekirovnı, Oleksandr Kolçenkonı, Volodımır Baluhnı ve Oleg Sentsovnı qaytarıp olğanını hatırlattı. Azat etilgen Sentsov Prezidentke Rusiyedeki koloniyada bulunğan arada işletken savutını bağışladı. O vaqıt Volodımır Zelenskıy ile Oleg Sentsov işbu savutnı azat etilgen ukrainalılarnıñ tanıtuv işaretlerinen toldurmağa keliştiler “Ukraina Prezidenti: Qırımdaki birinci qurbanlarnıñ adlarını hatırlaymız, vatandaşlarımıznıñ episini azat etmek içün qolumızdan kelgenini yaparmız”


Qırım ile memuriy sıñırda vatandaşlarğa hızmet etecek bir büyük merkez açılacaq, ATR ise öz yayınlavını devam etecek – Volodımır Zelenskıy

Ukraina akimiyeti qırımlılarnen, olarnı qorçalamaq maqsadınen yapılğan areketler aqqında qonuşmalı, onıñ içün vaqtınca işğal etilgen yarımada yayınlavlav ile temin etilmeli, Kıyiv şeerinde ”Age of Crimea 2020” forumınıñ açılış tedbiri esnasında dep qayd etti Prezident Volodımır Zelenskıy.

”Qırımğa yayınlavnı teşkil etüv müimdir. Anda yaşağan adamlar zemaneviy Ukraina aqqında kerçek haberlerge muhtaçlar. ATR kanalı da öz yayınlavını devam eteceginde de eminlik bildirem, onı iç kimse devlet qol tutuvından marum etmez. Bu mesele eñ yaqın vaqıtta çezilir”, – dep bildirdi Volodımır Zelenskıy.

Prezident qayd etkenine köre, ukrain akimiyeti Qırım üzerinde mavılı-sarılı bayraqnıñ kene de yelpiremesi içün qolundan kelgenini yapacaq. Amma bügünde-bügün yapıla bilecek ve yapılması kerek olğan şeyler bar “Qırım ile memuriy sıñırda vatandaşlarğa hızmet etecek bir büyük merkez açılacaq, ATR ise öz yayınlavını devam etecek – Volodımır Zelenskıy”


Ukraina Prezidenti kiçik aynıñ 26 kününi Qırım ile Aqyarnıñ işğal etilmesine qarşılıq kösterüv künü olaraq ilân ete

Prezident Volodımır Zelenskıy kiçik aynıñ 26 kününi Qırım ile Aqyarnıñ işğal etilmesine qarşılıq kösterüv künü olaraq ilân etip, ferman imzalağanını bildirdi.

”Age of Crimea 2020” forumınıñ açılış tedbiri esnasında Devlet başlığı altı yıl evel aynı bu künü Aqmescitte Ukrainanıñ topraq bütünligine ve mustaqilligine qol tutıp, eñ çoq insan toplanğanını hatırlattı.

”Cemi miting iştirakçileriniñ cesürliklerine ve qaramanlıqlarına yüksek qıymet kesip, bügün Qırım Muhtar Cuhhuriyeti ile Aqyarnıñ işğal etilmesine qarşılıq kösterüv künü aqqında ferman imzalayım. Bu kün er yıl kiçik aynıñ 26-da qayd etilecektir”, – dep ayttı Prezident.

Volodımır Zelenskıynıñ qayd etkenine köre, Qırımnı Ukrainağa qaytaruv, yalıñız Devlet başlığınıñ vazifesi ve vatandaş olaraq şahsiy mevamı degildir.

”Bu, yalıñız umumiy arzumız degildir. Bu, dünya yüzündeki havfsızlıqnıñ kefaletidir. Bu, işançnıñ ğayrıdan tiklenüvi. Halqara uquqqa ve adaletke işançnıñ ğayrıdan tiklenüvidir”, – dep qayd etti o “Ukraina Prezidenti kiçik aynıñ 26 kününi Qırım ile Aqyarnıñ işğal etilmesine qarşılıq kösterüv künü olaraq ilân ete”


Ukraina Prezidentiniñ Temsilcilik taqımı ile körüşüvi: uzun lafnıñ qısqası

2020 senesi kiçik ay (fevral) 13 künü Ukraina Prezidenti Volodımır Zelenskıy Ukraina Prezidentiniñ Qırım MC-deki Daimiy Temsilcisi Anton Korınevıç ve onıñ muavinleri Darya Svırıdova ve Tamila Taşeva ile körüşti.

Körüşüvniñ başında vaqtınca işğal etilgen Qırım MC-de ve Aqyar şeerinde yaşağan balalarnıñ vaziyeti muzakere etildi. Daimy Temsilci Prezidentke balalarnıñ vaziyetinen bağlı esas meselelerni tarif etti, bu cümleden siyasiy mabuslarnıñ balaları, öksüz balalar, tasil ceryanınıñ arbiyleştirilüvi, balarnı ve gençlerni sözde ”genç ordu” (yünarmiya) saflarına celp etüv aqqında ikâye etti. Anton Korınevıç Volodımır Zelenskıyğa siyasiy mabus Üzeyir Abdullayevniñ qızı yapqan resimni ve ”Qırım balalığı” teşkilâtı tarafından cıyılğan bala mektüplerini taqdim etti “Ukraina Prezidentiniñ Temsilcilik taqımı ile körüşüvi: uzun lafnıñ qısqası”


 Volodımır Zelenskıy: Donbas ve Lugansk vilâyetlerindeki nezaretimiz altında bulunmağan topraqlarda, Qırımda ve Rusiyede ukrainalılar azat etilmegence, toqtamamalımız

Soñki yarım yıl devamında maküm etilgen şahsıslar eki taraflama şekilde eki kere azat etildi, bu ceryan ”er kezni er kezge” deñiştirüv olğan maqsadımızğa irişmemiz içün devam etmeli, – dep qayd ete Ukraina Prezidenti Volodımır Zelenskıy.

Donbastaki nezaretimiz altında bulunmağan topraqlarda insaniyetsiz şaraitlerde tutulğan 200 ziyade ukrainalı azat etilmegence, toqtamamalımız. 100-den ziyade ukrainalı ve qırımtatar ise Qırımda ve Rusiye Federatsiyasında tutulmaqta”, – havfsızlıq meseleleri boyunca Münhen konferentsiyasında çıqışta bulunğan arada, dep qayd etti Devlet başlığı ” Volodımır Zelenskıy: Donbas ve Lugansk vilâyetlerindeki nezaretimiz altında bulunmağan topraqlarda, Qırımda ve Rusiyede ukrainalılar azat etilmegence, toqtamamalımız”


 (AQŞ) Helsinki komitetinde «İşğaldeki yaşayış: Qırımda insan aqları saasında vaziyet» mevzusında diñlevler. Ukraina Prezidentiniñ Qırım MC Daimiy Temsilcisiniñ muavini Tamila Taşevanıñ çıqışından esas iddialar

Aman-aman 6 yıl evel Rusiye, Ukrainağa ücüm etip, Qırımnı işğal etti, yarımadanı ilhaq etmege tırıştı ve al-azırda öz aktörları vastasınen Ukrainanıñ şarqında gibrid cenkni alıp barmaqta. Bütün medeniy dünya Ukrainanıñ topraq bütünligine qol tutuv oğrunda birleşti, cesür ukrain halqı bu ücümni toqtattı, amma millionlarnen vatandaşlarımız işğalde yaşamağa mecbur oldı.

Qırım Muhtar Cumhuriyetinde ve Aqyar şeerinde yaşağanlarnıñ episine Rusiye zorbalıqnen öz pasportlarını aldırdı, amma Ukraina da, halqara cemiyet de işbu pasportlarnı ve ealige berilgen işğalci devletniñ vatandaşlığını tanımay. Rusiye pasportını almadan Qırımda yaşamağa mümkün degil – içtimaiy hızmetler, tıbbiy hızmetlerge irişim tek işbu pasportları olğan adamlarğa berile.

Ukrainanıñ bu mesele boyunca mevamı açıq-aydın ve mantıqlıdır – Qırım Muhtar Cumhuriyetinde ve Aqyarda yaşağan isanlar Ukraina vatandaşları olaraq qalmağa devam eteler, Rusiye Federatsiyasınıñ vatandaşlığını ise almaylar ” (AQŞ) Helsinki komitetinde «İşğaldeki yaşayış: Qırımda insan aqları saasında vaziyet» mevzusında diñlevler. Ukraina Prezidentiniñ Qırım MC Daimiy Temsilcisiniñ muavini Tamila Taşevanıñ çıqışından esas iddialar”