Ukraina prezidentiniñ Qurban bayramı ile hayırlavı

Aziz müsülman ukrainalılar!

Sizni Qurban bayramı ile can-yürekten hayırlayım.

Bu büyük bayram barışuv ve merhamet duyğusını ketire, doğru nasiatlarnı añlamağa yardım ete ve müminlerniñ yüreklerini aydın ümütlernen toldura.

Ukrainada barışıq içün çalışqan ve farqlı din ve millet vekilleriniñ arasında musbet munasebetlerni qurmağa tırışqan bütün müsülman teşkilâtlarınıñ faaliyetlerine yüksek qıymet kesem ve kelecekte semereli işbirligimizniñ devam etmesine ümüt etem.

Cümleñizge qaviy sağlıq, amanlıq ve bol bereket tileyim.

Volodımır ZELENSKİY


Ukraina Prezidentiniñ Qırım MC Temsilciligi qırımtatarlarnı ve bütün Ukraina musulmanlarını Qurban bayramı ile hayırlay!

Ukraina Prezidentiniñ Qırım MC Temsilciligi qırımtatarlarnı ve bütün Ukraina musulmanlarını Qurban bayramı ile hayırlay!

Siz öz Vatanını azat etmege ıntılğan ve ğalebege şübesiz inanğan azimkâr ve iradeli halqsıñız! Qurban bayramı er horantağa tınçlıq, amanlıq, neşe ve quvanç ketirsin!

Farqlı dinlerge mensüp olıp, Rusiye istilâsına qarşılıq köstergen, Ukrainanıñ topraq bütünligine ve mustaqilligine qol tutqan, azatlıq ve adalet içün küreşken Ukraina vatandaşlarınıñ birligi, metaneti ve cesareti bizde Ukraina devletiniñ tınç ve barışıqlı kelecegine işanç doğura.

Cümlemizge vaqtınca işğal etilgen Qırımnıñ eñ yaqın vaqıtta azat etilmesini, küçlü ve abadan Ukrainanıñ qurulmasını tileymiz!