Insan aqları boyunca Ukraina Helsinki birliginiñ vekilleri ile körüşüv

2019 senesi oraq (iyül) ayı 18 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Insan aqları boyunca Ukraina Helsinki birligini temsil etken zenaatdaşları ile körüşti.

Körüşüv esnasında Temsilcilik ile Insan aqları boyunca Ukraina Helsinki birligi arasında işbirlik, Qırım işğali aqibetlerini aşuv şaraitlerinde insan aqlarını qorçalamaq maqsadınen amelge keçirilecek keçici devirdeki adiye esasları semereli şekilde muzakere etildi.


Daimiy Temsilci çetel işler Naziri vazifesini vaqtınca becergen şahıs ile körüşti

2019 senesi oraq (iyül) ayı 18 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Ukraina çetel işler Naziri vazifesini vaqtınca becergen Yegor Bojko ile körüşti.

Eki idareniñ vekilleri Qırım Muhtar Cumhuriyeti ve Aqyar şeeri boyunca devlet siyasetini ve ukrain siyasiy mabuslarnıñ qorçalanması ile bağlı tedbirlerniñ maddiy teminlevini muzakere ettiler.