Rusiye qarşı sanksiyalarnıñ uzatıluvı

2019 senesi ilk yaz (iyün) 12 künü Avropa Birligi memleketleriniñ Brüsseldeki daimiy vekilleri Qırımnı vaqtınca işğal etken Rusiyege qarşı sanktsiyalarını bir senege, yani 2020 senesi ilk yaz ayına qadar uzatmağa qarar aldılar. AB Şurası bu qararnı kelecek afta tasdıqlaycağı beklenile.

Sanktsiyalar avropalı şirketlerge Rusiye tarafından işğal etilgen Qırımğa sermaye yatıruvını ve yarımadadan mal italâtını yasaq etmekte. Rusiyege qarşı ”Qırım sanktsiyalarını” Avropa Birligi 2014 senesi ilk yaz ayında qabul etken edi. Ameldeki sanktsiyalarınıñ müddeti ilk yaz 23 künü bitecek.


Diqqatıñıznı celp etemiz!

Kiriş tasil kampaniyası başlağanınen, Ukrainada ve çetelde tasil aluv imkânları boyunca Temsilcilikke vaqtınca işğal etilgen Qırımdan muracaat etken Ukraina vatandaşlarınıñ miqdarı arttı.

Qırımdaki gençlerge vaqtınca işğal etilgen Qırım MC-de berilgen ”diplomlar” ve diger ”tasil vesiqaları” ne de Ukrainada, ne de dünyanıñ başqa memleketlerinde tanılmağanını hatırlatamız.


Litva Seymi: qırımtatarlarnıñ sürgün etilüvi soyqırımdır

Litva Seymi 1944 senesi Sovet Birligi qırımtatarlarğa qarşı yapqan cinayetlerni tanıp, 1944 senesi qırımtatar halqınıñ sovet qurumı tarafından ana vatanları Qırım yarımadasından Orta Asiyanıñ tena rayonlarına aselet sürgün etilüvini ve neticede sürgün etilgen qırımtatar ekseriyetiniñ açlıqnen, hastalıqlarnen, qıynavlarnen ve ağır işçiliknen yoq etilüvini takbih etti “Litva Seymi: qırımtatarlarnıñ sürgün etilüvi soyqırımdır”


Jurnalistlerni zenaat bayramları Jurnalist künü ile hayırlaymız!

Gibrid cenki şaraitlerinde devlet mustaqilligi ve topraq bütünligi içün alıp barılğan küreşte obyektiv ve tarafsız haberler, serbest söz küçlü silâğa çevirile.

Qırım işğal etilgeninen, yarımadada söz serbestligi sıñırlandı, mustaqil matbuat vastaları yoq etilmege, jurmalistler qorqutılmağa ve taqip etilmege başladı. İşğalci Rusiye akimiyeti Qırım sakinleri içün mustaqil ve alternativ kütleviy matbuat vastalarına irişim imkânlarını bile qapatmağa tırışa “Jurnalistlerni zenaat bayramları Jurnalist künü ile hayırlaymız!”


Bütün musulmanlarnı Ulu Oraza Bayramı ile hayırlayım!

Ruhiy temizlenüv ve mükemmelleşme vaqıtı olğan muqaddes Ramazan ayı soñuna yetti. Yüce Allah tutqan orazañıznı, ibadetleriñizni ve hayır işleriñizni qabul etsin.

Bu aziz bayram bütün musulmanlarğa baht ile quvanç ketirsin!

Qırımda üküm sürgen vaqtınca işğal ve cinaiy qurumnıñ daimiy cezalavları şaraitlerinde vatandaşlarımız sarsılmaz ruhiy küçke ve sabırğa saipler! Beraberlikte mıtlaqa yeñermiz, Qırım Rusiye işğalcilerinden azat etilir!

Oraza bayram şerifleriñiz mubarek olsun!

Ürmet ile

Ukraina Prezidentiniñ Qırım MC Daimiy Temsilciniñ Birinci muavini İzet Gdanov