Volodımır Zelenskiy Angela Merkel ile ukrain deñizcilerini ve başqa esirlerini azat etüv yollarını muzakere etti

Almaniyağa resmiy ziyareti esnasında Ukraina prezidenti Volodımır Zelenskiy Almaniya Federal kantsleri ile Rusiye esirliginde bulunğan ukrain deñizcilerini ve başqa mabuslarını azat etüv yollarını muzakere etti.

”Rusiye apishanelerinde bulunğan arbiy deñizcilerini ve başqa ukrain vatandaşlarını azat etüv meselesini muzakere ettik. Almaniyanıñ itibarı ve halqara tesiri bu meseleniñ eñ yaqın kelecekte çezilecegine ümüt bere”, – dep qayd etti Angela Merkel ile Berlindeki umumiy brifingde Ukraina prezidenti “Volodımır Zelenskiy Angela Merkel ile ukrain deñizcilerini ve başqa esirlerini azat etüv yollarını muzakere etti”


Fevqulâde şaraitlerde devlet idaresi

2019 senesi ilk yaz (iyün) ayı 18 künü Ukraina Yuqarı Şurasınıñ qanuncılıq İnstitutında Ukrainada Gans Zaydel Fondunıñ qol tutuvı ile ”Fevqulâde şaraitlerde devlet idaresi: Ukrainada arbiy-grajdanlıq memuriyetlerniñ teşkiliy-uquqiy esasları” mevzusında tögerek masa olıp keçti, tedbirde Ukraina Yuqarı Şurasınıñ deputatları, Ukraina Milliy havfsızlıq ve mudafaa Şurasınıñ, vaqtınca işğal etilgen topraqlar boyunca Ukraina Nazirliginiñ, Ukraina adliye Nazirliginiñ vekilleri, Ukraina Havfsızlıq hızmetiniñ ve Ukraina içki işler Nazirliginiñ mütehassısları ve alimler iştirak ettiler “Fevqulâde şaraitlerde devlet idaresi”


Qırımtatar halqınıñ sürgün etilüvi aqqında şaatlıqlarnı toplav boyunca kampaniya

2019 senesi ilk yaz (iyün) ayı 18 künü ”Ukrinformda” Temsilcilikniñ hadimleri ”Qırım evi” DM tarafından yañı ”Tamırlar” leyhanıñ taqdim etilüvinde iştirak ettiler, leyhanıñ maqsadı – qırımtatar halqınıñ sürgünligi aqqında şahsiy ikâyelerni qıdıruv, toplav ve video vastasınen ebediyleştirüvdir. Ayrı İnternet saifesinde açıq irişimde bulunğan malzemeler vastasınen öz ikâyelerinen bu facianı şahsen başından keçirgen adamlar paylaşa “Qırımtatar halqınıñ sürgün etilüvi aqqında şaatlıqlarnı toplav boyunca kampaniya”


Volodımır Zelenskiy: Ukrainağa tınçlıqnı qaytaruv menim ilk nevbetteki vazifemdir

Ukraina prezidenti Volodımır Zelenskiy qayd ete ki, Ukrainada barışıqnı ğayrıdan tiklev onıñ içün yerine ketirilmesini talap etken esas vazifelerden biridir. Bu sebepten tınçlıq meselesi Frenkistan prezidenti Emmanuel Makron ile bügünki semereli körüşüvinde esas yer aldı.

”İlk-evelâ Ukrainağa barışıqnı qaytaruv aqqında söz yürsetildi. Bu menim ilk nevbetteki vazifemdir. Em insan, em de prezident olaraq böyle tüşünem. Bu fikir ile men er kün yuqlamağa yatam ve uyanam”, – dep qayd etti jurmalistler ile sübetinde Volodımır Zelenskiy “Volodımır Zelenskiy: Ukrainağa tınçlıqnı qaytaruv menim ilk nevbetteki vazifemdir”


Rusiye Halqara tribunalnıñ qararını yerine ketirip, 24 ukrain deñizcisini azat etmeli” – prezident.

Rusiye Federatsiyası BMT Halqara tribunalı qural ay (mayıs) 25 künü qabul etken qararnı yerine ketirip, Keriç boğazı yanında zapt eken ukrain deñizcilerini ve gemilerini azat etmeli.

Bu aqta ilk yaz (iyün) ayı 17 künü Frenkistan Cumhuriyetiniñ prezidenti Emmanuel Makron ile umumiy matbuat konferentsiyasında Ukraina prezidenti Volodımır Zelenskiy haber etti.

”Rusiye Halqara tribunalnıñ qararını yerine ketirmege mecbur olıp, 24 ukrain deñizcisini qaytarmalı ve men buña pek inanam”, dep qayd etti devletniñ başlığı, em de ”Rusiyeniñ Azaq deñizindeki ve Keriç boğazındaki areketlerini qattı ve muntazam şekilde takbih etken Frenkistanğa minnetdarım”, – dep qoştı o “Rusiye Halqara tribunalnıñ qararını yerine ketirip, 24 ukrain deñizcisini azat etmeli” – prezident.”