İşğalci akimiyet qanunsız şekilde Ukraina Ortodoks Kilisesiniñ Qırım patrikhanesini ibadethanesinden marum ete

2019 senesi ilk yaz (iyün) ayı 28 künü vaqtınca işğal etilgen Qırımda sözde ”arbitraj mahkemesi” kira añlaşmasını toqtatıp, Aqmescitteki Aziz Volodımır ve Olga knâzları adına katedral kilseni sözde ”mal-mülk ve topraq munasebetleri nazirligine” teslim etmege qarar aldı, dep haber ete ”Qırım birdemligi” Cemaat Birligi.

Sözde ”mahkemeniñ” işbu qararı Ukraina Ortodoks kilisesi Qırım patrikhanesiniñ nevbetteki faaliyetini telüke altına qoya.

Qırımdaki işğalci akimiyetniñ Ukraina Ortodoks Kilisesi boyunca qanunsız areketleri, bu cümleden, böyle ”mahkeme qararı” insan aqlarınıñ esas qısımlarından biri olğan ibadet serbestligini sıñırlay.


Tasil kampaniyası devam ete!

Qırımdaki gençlerge vaqtınca işğal etilgen Qırım MC-de berilgen ”diplomlar” ve diger ”tasil vesiqaları” ne de Ukrainada, ne de dünyanıñ başqa memleketlerinde tanılmağanını hatırlatamız.

”QIRIM-UKRAİNA” leyhası çerçivesinde siz 35 ukrain aliy oquv yurtuna qolaylaştırılğan usulnen oquvğa kire bilesiñiz “Tasil kampaniyası devam ete!”


«Bayraq ile birleştirilgenler – #LIBIRATECRIMEA» halqara forumı

2019 senesi ilk yaz (iyün) ayı 26 künü Kıyiv şeer devlet memuriyetiniñ sutunlı salonında Qırımtatar milily bayraq künü munasebeti ile Qırımtatar resurs merkezi, Qırımtatar Milliy Meclisi Kıyiv şeer devlet memuriyetiniñ qol tutuvı ile «Bayraq ile birleştirilgenler – #LIBIRATECRIMEA» halqara forumnı keçirdiler, tedbirde Ukraina Yuqarı Şurasınıñ deputatları, çetel diplomatları, Qırımtatar Milliy Meclisiniñ azaları, Temsilcilikniñ Kıyiv şeerindeki ofisiniñ hadimleri, cemaat erbapları ve bütün dünyadan #LIBIRATECRIMEA halqara ruhunıñ faalcileri iştirak etti “«Bayraq ile birleştirilgenler – #LIBIRATECRIMEA» halqara forumı”


İlk yaz 26 künü qırımtatar halqınıñ milliy bayrağı vaqtınca işğal etilgen Qırım ile sıñırdaki ”Qalançaq” KÇNN-de yelpiredi

Qırımtatar bayrağını köterüv tedbirinde İzet Gdanov al-azırda bu bayraq serbestlik, azatlıq, öz evinde, öz toprağında, ukrain Qırımda raat yaşamaq aqqı içün küreşni temsil etkenini qayd etti.

”Qırım serbest olacağını, er bir memuriy binada devlet Ukraina bayrağınen beraber qırımtatar milliy bayrağı yelpireycegini, işğalciler ise Qırımda yapqan cinayetleri içün tolu derecede mesüliyet çekeceklerini bilem. Ukraina RF-nıñ silâlı tecavüzi esnasında elâk olğan ve yaralanğan vatandaşlarını, yarımadanı ilhaq etmek teşebbüsni, 24 esir ukrain deñizcisini yüzden ziyade siyasiy mabusnı, babasız ösken 170 qırımlı balanı iç bir vaqıt unutmaz”, – dep bildirdi Ukraina Prezidentiniñ Qırım MC-de Daimiy Temsilcisiniñ Birinci muavini.

“İlk yaz 26 künü qırımtatar halqınıñ milliy bayrağı vaqtınca işğal etilgen Qırım ile sıñırdaki ”Qalançaq” KÇNN-de yelpiredi”


Volodımır Zelenskiy Anton Korınevıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi olaraq tayın etti

A.Korınevıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi olaraq tayın etüv aqqında

UKRAİNA PREZİDENTİNİÑ №454/2019 QARARI

KORINEVIÇ Anton Oleksandrovıçnı Ukraina Prezidentiniñ Qırım Muhtar Cumhuriyetindeki Daimiy Temsilcisi vazifesine tayın etmek.

Ukraina Prezidenti V.ZELENSKİY

2019 senesi ilk yaz (iyün) ayı 25 künü

Menba: https://www.president.gov.ua/documents/4542019-27761



Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanovnıñ, vaqtınca işğal etilgen Qırım Muhtar Cumhuriyeti ve Aqyar şeeri boyunca ilerideki siyasetke dair Ukraina Prezidenti Volodımır Zelenskiy adına açıq mektübi

“Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanovnıñ, vaqtınca işğal etilgen Qırım Muhtar Cumhuriyeti ve Aqyar şeeri boyunca ilerideki siyasetke dair Ukraina Prezidenti Volodımır Zelenskiy adına açıq mektübi”


«TATLI SES-2019» balalar halqara festivali

İşğal etilgen Qırımda yaşamağa devam etken ve Vatanlarını terk etmege mecbur olğan kiçkene qırımlılarnı birleştirgen ananeviy «TATLI SES-2019» balalar halqara festivali Kıyiv şeerinde keçirildi.

Medeniyet birleştire, Ukrainanıñ vaqtınca işğal etilgen topraqlarınen bağ tutmağa yardım ete. Balalar festivali qıta Ukrainada qırımtatar milliy sanatını qorçalay ve canlandıra, istidatlı balalarnıñ ve gençlerniñ inkişaf etmelerine hızmet ete, tamır Qırım halqınıñ medeniyetinen yaqından tanıştıra “«TATLI SES-2019» balalar halqara festivali”


Temsilcilikte vaqtınca işğal etilgen Qırımnıñ sakinleri içün muim olğan meselelerni muzakere ettiler

2019 senesi ilk yaz (iyün) ayı 19 künü Ukraina prezidentiniñ Qırım MC-deki Daimiy Temsilcisiniñ Birinci muavini İzet Gdanov Herson vilâyeti devlet memuriyeti, Ukraina Milliy polisniñ Herson vilâyetindeki ve Qırım MC-deki baş idareleri, Ukraina havfsızlıq hızmetiniñ Qırım ve Herson vilâyeti boyunca baş idareleri, Devlet migratsiya hızmeti, Devlet maliye hızmeti, Devlet sıñır hızmeti, Qırımtatar Milliy Meclisi vekilleriniñ ve Şimaliy-Qırım kanalı hadimleriniñ iştiragi ile kenişletilgen muşavere keçirdi “Temsilcilikte vaqtınca işğal etilgen Qırımnıñ sakinleri içün muim olğan meselelerni muzakere ettiler”