MUİM HABER! Mayıs 18 kününde Ukrainada qırımtatar halqı sürgünliginiñ 75 yıllığı qayd etile

Ukraina Yuqarı Şurası 12.11.2015 senesi qabul etken № 792-VIII ”Qırımtatar haqına qarşı soyqırım yapılğanını tanuv aqqında” qararı ile qırımtatar halqınıñ 1944 senesi sürgün etilüvini qırımtatar halqına qarşı yapılğan soyqırım olaraq tanıdı ve mayıs 18 kününü Qırımtatar halqı sürgünliginiñ qurbanlarını añma künü olaraq belgiledi.

Yazıqlar olsun ki, işbu künge Ukrainanıñ çoqtan-çoq şeerlerinde kütleviy eglence tebirleri planlaştırılğan.

Ukraina Prezidentniñ Qırım Muhtar Cumhuriyetindeki Temsilciligi vilâyet devlet memuriyetiniñ reislerine ve şeer başlıqlarına bu künge planlaştırılğan eglence tedbirleriniñ başqa künlerge avustırılması içün israrlı muracaatta buluna. Añma künlerinde Ukraina meydanlarında eglence tedbirlerini keçirmege mümkün degil, dep sayamız.

Yarımadadaki işğalci akimiyet tarafından muntazam şekilde keçirilgen cezalavlarğa baqmadan, qırımtatar halqı al-azırda Qırımda Ukrainanıñ mustaqilligi ve topraq bütünligi içün küreşini devam ete.


Añma ve barışuv künü ile Ekinci cian cenkinde natsizm üzerinde qalebe kününde

Cebede elâk olğanlarnı, cezalav tedbirlerinde qurşunğa tizilgenlerni, toplama lagerlerinde yaqılğanlarnı, zindanlarda çekişkenlerni, yani cenk neticesinde canlarını ğayıp etkenlerni HATIRLAYIQ!

Ekinci cian cenkinde küreşken cesür, mert ve cesaretli veteranlar ögünde başlarımıznı EGEYİK!

Al-azırda öz memleketini, Ukrainanıñ egemenligini, topraq bütünligini ve mustaqilligini menliknen qorçalağan ukrain askerlerinen ĞURURLANAMIZ!

İNANAMIZ – YEÑERMİZ!