Saylav adresleri (yaşağan yerleri) vaqtınca işğal etilgen Qırım Muhtar Cumhuriyetinde ve Aqyar şeerinde olğan Ukraina vatandaşlarınıñ diqqatına

Muim haber!

Ukraina Prezidenti saylavlarınıñ 2019 senesi çiçek ayı 21 künü keçirilecek 2 turı içün saylav yerlerini deñiştirmege istegen Ukraina vatandaşları öz arizalarını çiçek ayı (aprel) 7 kününden başlap, taqdim ete bileler.

Saylav yerini çiçek ayı 15 kününe qadar, yani saylav kününece en az 5 kün qalğanda deñiştirmege mümkün.

Tertip aynıdır: saylayıcı Devlet saylayıcılar cedvelini alıp barğan idarege, kerekli saylav bölüginiñ nomerasını ya da adresini belgilep, saylav yerini vaqtınca deñiştirecegi aqqında arizalarını bermeli.

Merkeziy saylav komitetiniñ reisi Tetâna Slipaçuk aytqanına köre, ”bu ceryannı qolaylaştırmaq” maqsadınen Devlet saylayıcılar cedvelini alıp barğan idareler tatil künlerinde de çalışacaqtır.