Devlet sıñırlarınıñ qorçalayıcılarını can-göñülden hayırlaymız!

Devletimizniñ egemenliğini ve topraq bütünligini qorçalap, memleketimizniñ sıñırlarında qattı turasıñız. İstilâcığa, halqara terrorizmge ve cinayetçilikke qarşılıq kösterip, fedakârca ve qaramanlıqnen qanuniy borcuñıznı eda etesiñiz. Qaviy ruhuñız ve cesaretiñiz içün sizge can-göñülden minnetdarmız. Cenkâver nevbetçilikten qorantalarıñızğa daima sağ qalıp qaytmañıznı tileymiz.




”Ukrain cemiyeti ve Qırım – kelecekke baqış” mevzusında halq ögünde munaqaşa

2019 senesi çiçek (aprel) ayı 24 künü Mıstetskiy arsenalda Temsilcilikniñ Kıyivteki ofisiniñ hadimleri Qırımtatar halqı meseleleri boyunca Ukraina Prezidentiniñ Vekâletlisi, Ukraina halq deputatı Mustafa Cemilev ile ”Ukrain cemiyeti ve Qırım – kelecekke baqış” mevzusında halq ögünde munaqaşada iştirak ettiler “”Ukrain cemiyeti ve Qırım – kelecekke baqış” mevzusında halq ögünde munaqaşa”


Diqqat! Boş vazifeler içün konkurs

Ukraina Prezidentiniñ Qırım Muhtar Cumhuriyetindeki Temsilciliginde boş vazifeler içün konkurs ilân etildi:

– uquqiy talil hızmetiniñ baş mesleatçısı;

– haber-talil hızmetiniñ baş mesleatçısı (esas hızmetçi balası 3 yaşını toldurğance balanı baquv tatilinde olğan arada);

– Qırım Muhtar Cumhuriyetini işgalden azat etüv ve ğayrıdan integratsiya meseleleri boyunca hızmetniñ baş mesleatçısı)

Konkurs 2019 senesi qural ay (mayıs) ayı 21 künü saat 10:00-da Herson şeerinde Uşakov caddesi, 42 adresi boyunca yerleşken Temsilcilikniñ binasında keçirilecek.

Konkurs şartları ile Temsilcilikniñ saifesinde (Şeffaflıq/hadimler ile çalışuv) tanışmaq mümkün: http://www.ppu.gov.ua/staffing/


İnsan aqları boyunca BMT NM Odesadaki ofisiniñ vekilleri ile körüşüv

2019 senesi çiçek (aprel) ayı 22 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanov insan aqları boyunca BMT NM Odesadaki ofisiniñ Başlığı D. Kaniffe ve insan aqları boyunca mütehassısı V. Hilko ile iş körüşüvini keçirdi.

Körüşüv esnasında Birinci muavin vaqtınca işğal etilgen Qırımda yaşap, adliy ve malümat ceetten qol tutuvğa, resmiy vesiqalarını elde etüvde, aq-uquqlarını yerine ketirüvde yardımğa muhtac olğan Ukraina vatandaşlarına hızmet etken Temsilcilikniñ faaliyeti ile tanıştırdı “İnsan aqları boyunca BMT NM Odesadaki ofisiniñ vekilleri ile körüşüv”


Qırımdaki haber saasını işğalden azat etüv ve ğayrıdan integratsiyası

2019 senesi çiçek (aprel) ayı 19 künü T. Şevçenko adına Kıyiv milliy universiteti terkibindeki halqara alâqalar İnstitutı teşkil etken ”Qırımdaki haber saasını işğalden azat etüv ve ğayrıdan integratsiyası: halqara-uquqiy ve media-haberleşüv aletleri” mevzusında konferentsiya olıp keçti. Yerli alimler ve ekspertler tarafından ziyaret etilgen tedbirge Ukraina haber siyaseti Nazirligi qol tuttı “Qırımdaki haber saasını işğalden azat etüv ve ğayrıdan integratsiyası”


Vatandaşlarnıñ diqqatına! Pasport azırlığını taqip etmege qolay

Bu meselede sizge Ukraina migratsiya hızmetiniñ yañı ”çat-bot” onlayn-hızmeti yardım eter. Hızmet meşur Telegram ve Viber haberci vastalarında çalışmaqta.

Sual-cevap şekilide Devlet migratsiya hızmeti tarafından berilgen bütün biometrik vesiqalarınıñ, yani İD-kartlarınıñ, tışqı pasportlarnıñ ve yabancılar ile vatandaşlığı olmağan şahıslar içün vaqtınca yaşayış ruhsetiniñ resmiyleştirilüvi aqqında malümat almağa mümkün “Vatandaşlarnıñ diqqatına! Pasport azırlığını taqip etmege qolay”


İsveçiyanıñ AHİT-da Daimiy eyeti ile körüşüv

2019 senesi çiçek (aprel) ayı 16 künü Ukraina Prezidentiniñ Qırım Muhtar Cumhuriyetindeki Daimiy Temsilcisiniñ Birinci muavini İzet Gdanov İsveçiyanıñ AHİT-da Daimiy eyetiniñ Elçisi Ulrika Fünered ile diger azalarınen körüşti. Körüşüvde Qırımtatar Milliy Meclisiniñ vekilleri, qırımlı faalciler, ”Desâte kvitnâ” cemaat teşkilâtınıñ temsilcileri de iştirak etti “İsveçiyanıñ AHİT-da Daimiy eyeti ile körüşüv”