Boş aynıñ 20-de ”Media vatanperverleri forumı: Ukraina retrospektivleri dihotomiyası” çerçivesinde Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva ”Qırım çağıruvları: 30 yıl devam etken Rusiye propagandası” panel munaqaşasında çıqışta bulundı

Munaqaşa çerçivesinde Temsilcilikniñ faaliyeti, işğalden azat etüvge dair tasdıqlanğan strategiya, Qırım platformasınıñ içki treki çerçivesindeki faaliyet aydınlatıldı. Hususan Tamila Taşeva, Qırım yarımadasını qaytaruv oğrunda müim adımlardan biri olaraq Qırım MC sakinleri içün insaniy siyasetni amelge keçirüv aqqında ikâye etti.

Panel munaqaşada iştirak etken qonuşmacılar Refat Çubarov, Ahtem Seyitablayev, Anife Kurtseyitova, Valentına Potapova, Gayana Yüksel, Mıhaylo Nestâjuk forum iştirakçilerinen beraber qanunsız şekilde apis etilgen abulqat Edem Semedlâyevniñ azat etilmesini talap ettiler.

Boş aynıñ 11-de Temsilcilik vaqtınca işğal etilgen Qırım Muhtar Cumhuriyeti ve Aqyar şeeri topraqlarında Rusiye Fedaratsıyasını temsil etken ve Ukraina vatandaşı, abulqat Edem Semedlâyevniñ azatlıqtan marum etilmesini maqsat etip qoyğan işğalci akimiyetniñ cinaiy areketlerini qattı sürette takbih etti.

https://www.facebook.com/613941962327559/posts/1799174007137676/?d=n

Qırımnı işğalden azat etüv oğrunda berabermiz.