2020 senesi boş aynıñ 19-da Ukraina Prezidentiniñ Qırım MC-deki Daimiy Temsilcisi Anton Korınevıç (Jeneva şeerinde) azınlıqlar meseleleri boyunca BM Forumınıñ 13-nci virtual toplaşuvında iştirak etip, vaqtınca işğal etilgen Qırımda qırımtatarlarğa, etnik ukrainalılarğa ve diniy azınlıqlarğa nisbeten işğalci akimiyetke boysunğan matbuat vastalarındaki duşmanlıq tili mevzusını aydınlattı.

“Kremlniñ tecavuziy siyaseti etnik ve diniy esasta duşmanlıqnı qozğalamaqnen oğraşa. Qırımda insan aqlarınıñ bozuluvını toqtatmaq içün, elbette, toprağımıznı işğalden azat etip, onı Ukrainanıñ nezareti altına qaytarmalımız. Bunıñ içün ise Rusiye Federatsiyasına sanktsion basqını devam etip quvetleştirmek, vaqtınca işğal etilgen Qırım yarımadasına halqara nezaret etici vastalarnıñ irişimini temin etmek kerekmiz”, – dep qayd etti çıqışı esnasında Anton Korınevıç.