Berim ayınıñ 1-de Ukraina Prezidentiniñ Qırım Muhtar Cumhuriyetindeki Daimiy Temsilcisiniñ muavini Tamila Taşeva ATR telekanalında «PRİME: Musayeva» yayınında iştirak etti

O, seyircilerge Qırım Platforması Sammiti ve onıñ birinci neticeleri, Temsilcilikniñ terkibindeki ayrı bir bölük olaraq çalışqan Qırım platforması Ofisi ve onıñ ilerideki faaliyeti aqqında ikâye etti. Şu cümleden, Qırım platforması Ofisi Kıyivdeki ”Qırım habı” vazifesini becerip, avuştırılğan çeşit türlü Qırım akimiyet organlarınıñ, Ekspertler ağı azalarınıñ ğayretlerini birleştirüv, beraberlikte vatandaşlarnı qabul etüv, yerli ve halqara ekspertlerniñ iştiragi ile Qırımnı işğalden azat etüv ve ğayrıdan integratsiya etüvge bağışlanğan tedbirlerni keçirüv içün hızmet etecegini tarif etti.
Muzakere etüvniñ büyük qısmını Tamila Taşeva siyasiy mabuslar ve olarnıñ qoranta azaları, devlet tarafından böyle vatandaşlarğa qol tutuv olaraq yapılğan adımlar ve vaqtınca işğal etilgen Qırımnen bağlı başqa müim meselelerge bağışladı.

Onlayn yayınnı qaçırğanlarğa vaqtınca işğal etilgen Qırım Muhtar Cumhuriyeti ve Aqyar şeeri topraqlarındaki vaziyet ve vaqtınca işğal etilgen Qırımnı işğalden azat etüv ve ğayrıdan integrasiya etüv yönelişinde kelecekteki faaliyetimiz aqqında daa ziyade malümat elde etmek içün yayınnıñ yazılı şeklini baqıp çıqmağa tevsiye etemiz.

Video