Ukraina Prezidentiniñ Qırım MC Temsilciligi aq qorçalayıcılarnen beraber Qırım sakinleri içün subet botunı taqdim etti

Ukraina Prezidentiniñ Qırım MC Temsilciligi ”Qırım-SOS” aq qorçalav teşkilâtı ve insan aqları boyunca Ukraina-Helsinki birligi ile beraber Telegram içtimaiy ağında çalışqan CrimeaIsUAbot (t.me/CrimeaIsUaBot) subet botunı taqdim etti. İşbu vasta vaqtınca işğal etilgen Qırım yarımadasında yaşağan Ukraina vatandaşlar içün yaratılğandır. Onıñ yardımınen eñ çoq soralğan suallerge umumiy cevap almaq mümkündir.

“Ukraina Prezidentiniñ Qırım MC Temsilciligi aq qorçalayıcılarnen beraber Qırım sakinleri içün subet botunı taqdim etti”




İş aftası Daimiy Temsilci Anton Korınevıçnıñ Ukrainadaki Bulğaristan Elçihanesiniñ diplomatları ile körüşüvnen başlandı

Körüşüv esnasında Rusiye Federatsiyası tarafından Qırım MC ve Aqyar şeerinde muntazam sürette insan aqlarınıñ bozuluvı meselesinen bir arada Qaradeñiz regionı ve vaqınca işğal etilgen Qırım yarımadasınıñ arbiyleştirilüvi meselesi muzakere etildi. Bundan ğayrı, bala aqlarını bozuv, Rusiye Federatsiyası tarafından teşkil etilgen arbiy teşkilâtlarğa balalarnı celp etüv, Rusiye ordusına qanunsız şekilde gençlerni çağıruv, tabiatqa ve Qaradeñiz saasında ekologik vaziyetke ketirilgen zarar, Ortodoks Kilisesine ve tamır qırımtatar halqına basqı kibi meselelerge de diqqat ayırıldı.

“İş aftası Daimiy Temsilci Anton Korınevıçnıñ Ukrainadaki Bulğaristan Elçihanesiniñ diplomatları ile körüşüvnen başlandı”


Belli ukrain, qırımtatar çalğıcısı Useyin Bekirovnı Ukraina Birleşüv künü munasebetinen alğan yüksek devlet mükâfatı ile hayırlaymız

Useyin Bekirov, ukrain ve qırımtatar nağmelerini birleştirgen belli caz çalğıcısı ve bestekârdır. Bugün Useyin beyge ”Ukrainada nam qazanğan artist” unvanı berildi. Useyin Bekirov aqqında vesiqalı filmni https://bit.ly/3pcia26 baqlantısı boyunca seyir ete bilesiñiz

Bugün Ukraina Birleşüv kününde tamır qırımtatar halqınıñ bir temsilcisi olğan qırımlınıñ qayd etilmesi ayrı bir mana taşıy. Devletimiz Qırımnıñ Ukrainağa ait olğanını, Qırım içün küreşecegini bir kere daa köstere.

“Belli ukrain, qırımtatar çalğıcısı Useyin Bekirovnı Ukraina Birleşüv künü munasebetinen alğan yüksek devlet mükâfatı ile hayırlaymız”


Bugün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ve onıñ muavinleri Darya Svırıdova ile Tamila Taşeva Ukrainanıñ Avropa Şurası Parlament Assambleyasındaki Daimiy eyetiniñ başlığı Mariya Mezentseva ile körüştiler

Anton Korınevıç Daimiy eyetniñ başlığını Temsilcilikniñ kündelik faaliyeti ve halqara seviyede alıp barğan faaliyeti çerçivesinde teşebbüsleri ile tanıştırdı, Daimiy eyet ve Temsilcilik arasındaki işbirlikniñ, ”Qırım platforması” çerçivesinde, vaqtınca işğal etilgen Qırım yarımadasında insan aqlarını qorçalav ve Qırımnı işğalden azat etüv oğrunda alınıp barılğan faaliyetniñ müim olğanını qayd etti.


Ukraina Birleşüv künü ile hayırlap, Ukraina Prezidentiniñ hayırlavlarına qoşulamız!

Ukraina Prezidenti Volodımır Zelenskıy:

«Yekâne Ukrainanıñ asırlar devamında bir-birinden qoparılğan alda bulunğan parçaları bü künden başlap birleşe…»
102 yıl evelsi Ukraina Halq Cumhuriyeti ve Garbiy Ukraina Halq Cumhuriyetiniñ birleşüvi aqqında añlaşmada yer alğan sözler çeşit türlü duyğular doğura.
Olardan biri, quvançtır. İlk nevbette topraqlarnıñ degil de, ukrainalılarnıñ ulu birleşüvi sebebinden peyda olğan quvan duyğusıdır.
Daa bir duyğu, ğururdır. Ğayrıdan Birleşüv aqqında Añlaşmalarını imzalağan ecdatlarımız ve bunınen beraber, yekâne, birleşken Ukraina içün bütün küreşçilerniñ ebediy hayalı içün ğurur duyğusıdır.
Bundan ğayrı, yazıqsınuv duyğusı. O vaqıttaki mustaqil Ukrainanı qorçalamaq içün devlet adamlarınıñ yeterli ikmet ve fikirdeşlikke saip olmağanları içün yazıqsınuv duyğusıdır.
Ağıruv duyğusı. Çünki yüz yıl soñra Qırım ve Donbasnıñ bir qısımı birleşken Ukrainadan qoparılıp alındı.
Ve eminlik duyğusı. Kelecekte ğalip çıqıp, beraberlikte ğayrıdan birleşüv aqqında yañı añlaşma imzalaycağımızda eminliktir.


Qara qış ayınıñ 22-de Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç onlayn şekilde Taras Şevçenko adına Kıyiv Milliy Universiteti Halqara munasebetler institutı Genç ukrainalı diplomatlar mektebiniñ diñleyicileri ile körüşüv keçirecek

Körüşüvniñ mevzusı: Vaqtınca işğal etilgen Qırım Muhtar Cumhuriyeti ve Aqyar şeerini işğalden azat etüvniñ halqara-uquqiy hususiyetleri”.

Tedbir saat 17:00-de başlanacaq.


Bugün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Lehistan Cumhuriyetiniñ Ukrainadaki Elçisi Bartoş bey Tsihotski ile körüşti

2014 senesi saban (mart) ayında BM Baş assambleyasınıñ Qararnamesinde qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv meseleleri muzakere etildi.

“Bugün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Lehistan Cumhuriyetiniñ Ukrainadaki Elçisi Bartoş bey Tsihotski ile körüşti”