Demin Ukraina halq deputatları 314 rey ile BM teşkilâtı, Avropa Parlamenti, AŞPA, AHİT Parlament Assambleyası, NATO Parlament Assambleyası, Qaradeñiz İqtisadiy İşbirligi teşkilâtınıñ Parlament Assambleyası, çetel devletlerniñ parlamentleri ve ükümetleri adına Ukraina Yuqarı Şurasınıñ Qırım MC ve Aqyar şeeriniñ vaqtınca işğal etilüvini, vaqınca işğal etilgen topraqlarda insan aqlarınıñ ve serbestlikleriniñ bozuluvını takbih etüvge ve Ukraina vatandaşları siyasiy mabuslarnıñ azat etilüvine dair muracaatı aqqında qararnamege qol tuttı.

Ukraina Prezidentiniñ Qırım Muhtar Cumhuriyetindeki Temsilciligi Tışqı siyaset ve parlamentler arası işbirlik meseleleri boyunca Komitetiniñ toplaşuvında Qararname metini içün öz tekliflerini taqdim etti ve işbu teklifler muracaatnıñ final metininde aks etilgenine quvana.

Tışqı siyaset ve parlamentler arası işbirlik meseleleri boyunca Komitetke ve şahsen Oleksandr Merejkoğa, Rustem Umerov başlığında qararnameni azırlağan halq deputatlarına, Qırımtatar Milliy Meclisi ile Meclis reisi Refat Çubarovğa Qırımnı işğalden azat etüv oğrunda semereli işbirlik ve umumiy ğayretler içün öz minnetdarlığımıznı bildiremiz.